23
1 Durɔ goo u ku rɑɑ mɑɑ win bɑɑbɑn kurɔ kĩɑ. Ù n kuɑ mɛ, u win bɑɑbɑ sekuru dokewɑ mi.
Tɔn be bɑ#ǹ ko n wɑ̃ɑ
Gusunɔn tɔmbun wuuru sɔɔ
2 Wìn tĩɑ bii bɑ kɔsukɑ ǹ kun mɛ wìn tɔn durɔru bɑ burɑ, u#ǹ kpɛ̃ u kɑ Yinni Gusunɔn tɔmbu mɛnnɑ.
3 Be bɑ#ǹ weenɛ bu suɑnɑ mɑ bɑ kɑ suɑnɑ, ben bibu bɑ#ǹ kpɛ̃ bu kɑ Yinni Gusunɔn tɔmbu mɛnnɑ sere kɑ ben bibun bibun bweserun nɔn wɔkurɔ.
4 Mɛyɑ Amɔnibɑn goo ǹ kun mɛ Mɔɑbubɑn goo u#ǹ kpɛ̃ u kɑ Yinni Gusunɔn tɔmbu mɛnnɑ sere kɑ ben bibun bibun bweserun nɔn wɔkurɔ. 5 Domi bɑ#ǹ kɑ sun nim kɑ dĩɑnu sennɔ kue sɑɑ ye sɑ yɑrimɑ Egibitin di. Bɑ dɑ bɑ Bɑlɑmu, Beorin bii, Petorigii wi u nɑ Mɛsopotɑmin di gobi kɑ̃wɑ u kɑ nɑ u sun bɔ̃rusi. 6 Adɑmɑ Gusunɔ bɛsɛn Yinni u#ǹ Bɑlɑmu win gere swɑɑ dɑki. U bɔ̃ri yi gɔsiɑwɑ domɑru domi u sun kĩ. 7 I ku rɑ ben ɑlɑfiɑ kɑsu ǹ kun mɛ ben geɑ sere kɑ bɑɑdommɑɔ bɛɛn wɑ̃ɑrun tɔ̃ru kpuro sɔɔ.
8 I ku rɑ ko i Edɔmu goo tusi, domi bɑ sɑ̃ɑwɑ bɛsɛn wɔnɔbu. I ku rɑ mɑɑ Egibitigii goo tusi domi sɑ sɔru di ben temɔ. 9 Ben bibu bɑ ko n dɑ kɑ Yinni Gusunɔn tɔmbu mɛnnɛwɑ sere kɑ ben sikɑdominɔ.
Sɑnsɑnin dɛɛrɑru
10 Ì n yɑrɑ i kɑ yibɛrɛbɑ tɑbu wɔri, sɑɑ ye sɔɔrɑ i ko i tii lɑɑkɑri ko kɑ gɑ̃ɑ disiginu kpuro. 11 Tɔn durɔ goo ù n wɑ̃ɑ bɛɛ sɔɔ, mɑ u dosɑ sere u tii wɑ dosu ge sɔɔ, i kɑ nùn yɑrio sɑnsɑnin di ginɑ. 12 Adɑmɑ sɔ̃ɔ ù n kɛllɑ, u koo woburewɑ. Yen biru, sɔ̃ɔ ù n duɑ kpɑ u wurɑmɑ sɑnsɑniɔ.
13 I de i n gɑm mɔ sɑnsɑnin biruɔ mi i ko i n dɑ dii berɑ ko, 14 kpɑ i n gɑ̃ɑnu nɛni ni i ko kɑ wɔru gbe i kɑ bɛɛn dii berɑ ye sike. 15 Domi Gusunɔ bɛsɛn Yinni u wɑ̃ɑ bɛɛn sɑnsɑni ye sɔɔ u sĩimɔ sĩimɔ u kɑ bɛɛ kɔ̃su kpɑ u bɛɛ bɛɛn yibɛrɛbɑ nɔmu bɛriɑ. Yen sɔ̃, n weenɛwɑ bɛɛn sɑnsɑni yɑ n dɛɛre kpɑ u ku bɔrɔnu gɑnu wɑ bɛɛn suunu sɔɔ ni nu koo de u bɛɛ biru kisi.
Yoo wi u dukɑ suɑ
16 I ku yoo wi u win yinni dukɑ suuri mwɑ i wesiɑ win yinnin mi. 17 I de u n wɑ̃ɑ mi u kĩ bɛɛn suunu sɔɔ wuu ge u koo gɔsi sɔɔ. I ku nùn dɑm dɔre.
Kurɔ dɑmɑru sɑ̃ɑru sɔɔ
18 I ku de durɔ dɑmɑ woronu ǹ kun mɛ kurɔ dɑmɑ woronu nu n wɑ̃ɑ bɛɛn sɑ̃ɑru sɔɔ. 19 I ku rɑ kɑ durɔ dɑmɑ gobi ǹ kun mɛ kurɔ dɑmɑ gobi gɛɛ nɑ Yinni Gusunɔn sɑ̃ɑ yerɔ i kɑ ye i Gusunɔ nɔɔ mwɛɛru kuɑ kɔsiɑ. Domi Gusunɔ bɛsɛn Yinni u yen bweseru tusɑ.
Bɔkurɑbun nim dokebu
20 Bɛɛn Isirelisibu bɑ̀ n gɑ̃ɑnu bɔkurɑ, i ku bu nim dokeɑ, ǹ n gobin nɑ, ǹ n mɑɑ dĩɑnun nɑ#ǹ kun mɛ gɑ̃ɑnu gɑnu. 21 Sɔɔwɑ i ko i yen bweseru kuɑ, ɑdɑmɑ i ku rɑ bɛɛn Isirelisibu kuɑ mɛ, kpɑ Gusunɔ bɛsɛn Yinni u bɛɛ domɑru kuɑ tem mɛ sɔɔ mɛ i ko i du mi, i n mɔ.
Nɔɔ mwɛɛnun gɑri
22 Ì n Gusunɔ nɔɔ mwɛɛru gɑru kuɑ, i ku tɛ i kɑ tu yibiɑ domi u koo bɛɛ tu bikiɑ kpɑ i n tɑɑrɛ mɔ. 23 Adɑmɑ ì kun nɔɔ mwɛɛru gɑru kue, i#ǹ ko i n tɑɑrɛ mɔ. 24 Nɔɔ mwɛɛ te i yɑrɑ bɛɛn nɔɔn di, i ko i tu yibiɑwɑ domi i tu kuɑwɑ kɑ bɛɛn tiin nɔɔ, n ǹ kɑ tilɑsi.
Ye kɑɑ kpĩ ɑ ko goon gbɑɑrɔ