Tɑbun woodɑ
20
1 Sɑnɑm mɛ i bɛɛn yibɛrɛbɑ tɑbu wɔri, ì n ben dumi wɑ kɑ ben tɑbu kɛkɛ yi dumi gɑwe kɑ sere ben tɔmbu be bɑ bɛɛ dɑbiru kere, i ku ben bɛrum ko. Domi Gusunɔ bɛsɛn Yinni u wɑ̃ɑ kɑ bɛɛ wi, wi u bɛɛ yɑrɑmɑ Egibitin di. 2 I sere tɑbu tore, yɑ̃ku kowo u koo nɑwɑ bɛɛn wuswɑɑɔ u nɛɛ, 3 i nɔɔwɔ bɛɛ Isirelibɑ. Wee i nɑ gisɔ i kɑ bɛɛn yibɛrɛbɑ tɑbu ko. I ku de bɛɛn goon tororu tu kɑrɑ. I ku bɛrum soorɑ, i ku diiri, i ku mɑɑ nɑndɑ ben sɔ̃. 4 Gusunɔ bɛsɛn Yinni u kɑ bɛɛ wɑ̃ɑ. Wiyɑ u koo bɛɛ nɑsɑrɑ wɛ̃.
5 Yen biru be bɑ rɑ tɑbu kowobu mwɛɛri, bɑ koo bikiɑ bu nɛɛ, bɛɛ sɔɔ, wɑrɑ u yɛnu kpɔɔ bɑnɑ mɑ u#ǹ ginɑ wure ge sɔɔ. Yɛ̃ro u de u wurɑ yɛnuɔ, kpɑ u ku gbi tɑɑ bi sɔɔ goo u du win yɛnu ge sɔɔ. 6 Bɑ koo mɑɑ bikiɑ bu nɛɛ, bɛɛ sɔɔ, wɑrɑ u dɑ̃ɑ gbɑɑnu kuɑ mɑ u#ǹ ginɑ yen ɑre diire. Yɛ̃ron tii u de u gɔsirɑ yɛnuɔ kpɑ u ku rɑɑ gbi tɑɑ bi sɔɔ goo u tu tubi di. 7 Bɑ koo mɑɑ bikiɑ bu nɛɛ, wɑrɑ bɑ kurɔ kɑ̃ mɑ u#ǹ nùn sue ginɑ. Win tii u wuro yɛnuɔ kpɑ u ku rɑɑ gbi tɑɑ bi sɔɔ kpɑ goo u kurɔ wi suɑ. 8 Kpɑ bu mɑɑ nɛɛ, bɛɛ sɔɔ, wɑrɑ u wurure. Bu de yɛ̃ro u wurɑ win yɛnuɔ. Kpɑ u ku rɑɑ be bɑ tie bɛrum tiɑ. 9 Bɑ̀ n gɑri yi geruɑ bɑ kpɑ, kpɑ bu bu tɑbu sinɑmbu kuɑ.
10 Sɑnɑm mɛ i wuu gɑgu tɑbu wɔri, i ginɑ gen tɔmbu bikio bu tii wɛ̃ kɑ ɑlɑfiɑ. 11 Bɑ̀ n wurɑ bɑ bɛɛ ben wuun kɔnnɔ kɛniɑ i duɑ, be kpurowɑ i ko i yoo sɔmɑ koosiɑ. 12 Adɑmɑ bɑ̀ kun kĩ bu bɛɛ sennɑ kɑ ɑlɑfiɑ, mɑ bɑ nɛɛ, bɑ koo kɑ bɛɛ sɑnnɑwɑ, i bu tɑbu wɔrio. 13 Sɑɑ yè sɔɔ Gusunɔ bɛsɛn Yinni u bɛɛ bu nɔmu bɛriɑ, sɑɑ yerɑ i ko i tɔn durɔ be bɑ wɑ̃ɑ mi kpuro go kɑ tɑkobi. 14 Adɑmɑ tɔn kurɔbu kɑ bii piiminu kɑ yɑɑ sɑbenu kɑ ɑrumɑni ye yɑ wɑ̃ɑ wuu ge sɔɔ kpurowɑ i ko i gurɑ yu ko bɛɛgiɑ, kpɑ i ye dendi nge mɛ i kĩ, domi Gusunɔ bɛsɛn Yinniwɑ u bɛɛ ye wɛ̃. 15 Mɛsumɑ ko i bwese nin wusu kpuro kuɑ ni nu kɑ bɛɛ tomɑ, nu#ǹ wɑ̃ɑ tem mɛ i ko i mwɑ sɔɔ. 16 Adɑmɑ tɔn benin wusu sɔɔ, si Gusunɔ bɛsɛn Yinni u bɛɛ wɛ̃ mi, i n mɔ, i ku rɑ de sin tɔnu goo u n wɑ̃ɑ. 17 I de i bu go kpuro mɑm mɑm, be bɑ sɑ̃ɑ Hɛtibɑ kɑ Amɔrebɑ kɑ Kɑnɑnibɑ kɑ Feresibɑ kɑ Hefibɑ kɑ Yebusibɑ nge mɛ Gusunɔ bɛsɛn Yinni u bɛɛ yiire. 18 Kpɑ bu ku rɑɑ bɛɛ ben komɑ bɔrɔnugii ni tie ni bɑ rɑ ben bũnu koosi. Kpɑ i ku rɑ kɑ ni Gusunɔ bɛsɛn Yinni torɑri.
19 Sɑnɑm mɛ i wuu gɑgu wɔri i gu tɑrusi n kɑ tɛ i sere gu kɑmiɑ, i ku rɑ gen dɑ̃ɑ binuginu gbɑ̃ɑ suɑsi. I ko i kpĩ i nin binu di, ɑdɑmɑ i ku nu kĩi i surɑ domi dɑ̃ru tɑ#ǹ sɑ̃ɑ tɔnu wi i ko i wɔri i go. 20 Dɑ̃ɑ te i yɛ̃ tɑ#ǹ sɑ̃ɑ diirɑru, terɑ i ko i kpĩ i burɑ i kɑ sɛri ko yi i ko i kɑ gbɑ̃rɑru yɔ sere i kɑ wuu ge kɑmiɑ.