Gɔɔ woro ni Gusunɔ u yinɑ
14
1 Bɛɛ Isirelibɑ, i sɑ̃ɑwɑ Gusunɔ bɛsɛn Yinnin tɔmbu. Goo ù n gu, i ku rɑ bɛɛn wɑsin gɑm murɑ. I ku rɑ mɑɑ bɛɛn seri kɔni wuswɑɑ giɑ. 2 Domi i sɑ̃ɑwɑ bwese te Gusunɔ bɛsɛn Yinni u gɔsɑ nɛnɛm. Hɑnduniɑn bwesenu kpuro sɔɔ, bɛɛyɑ u gɔsɑ i n kɑ sɑ̃ɑ win tɔmbu.
Yɑɑ ye n weenɛ bu di
kɑ ye n#ǹ weenɛ bu di
3 I ku rɑ gɑ̃ɑ disiginu di. 4 Yɛɛ yi i ko i di, yiyɑ nɑɑ kɑ yɑ̃ɑru kɑ boo 5 kɑ yɑɑ kpiku kɑ nɛmu kɑ kpɑsɑ kɑ kpee boo kɑ gini bukɑru kɑ kpee bɛrɑ kɑ ginɑ. 6 Yɛɛ yi yi nɑɑ kɑburosu yiru mɔ mɑ yi rɑ tukɑ ko, yi kpurowɑ i ko i di. 7 Adɑmɑ i ku rɑ yɑɑ di ye yɑ rɑ tukɑ ko tɔnɑ ǹ kun mɛ ye yɑ nɑɑ kɑburosu yiru mɔ tɔnɑ. Nge mɛyɑ i ku rɑ yooyoo di kɑ sɑɑtɑburu kɑ mɑɑ dɑmɑɑ\f |b14:7 dɑmɑɑ|d - A mɑɑ mɛɛrio Sɑ̃ɑrun Woodɑ 11:5\F. Yɛɛ yi, yi rɑ tukɑ ko ɑdɑmɑ yi#ǹ nɑɑ kɑburosu yiru yiru mɔ. I ko i yi gɑrisiwɑ disigii. 8 I ku rɑ kurusɔ di ge, ge gɑ nɑɑ kɑburosu yiru yiru mɔ, ɑdɑmɑ gɑ ku rɑ tukɑ ko. I ko i gu gɑrisiwɑ disiguu. I ku rɑ yɛɛ yin gɑɑ di, i ku rɑ mɑɑ yin gɑɑn goru bɑbɑ.
9 Yɛɛ yi yi wɑ̃ɑ nim sɔɔ i ko i di yiyɑ, yɛɛ yi yi kɛ̃ɛritii kɑ kokosu mɔ kpuro. 10 Adɑmɑ yi yi#ǹ kɛ̃ɛritii kɑ kokosu mɔ, i ku rɑ yi di. I ko i yi gɑrisiwɑ disigii.
11 Gunɔ ge gɑ dɛɛre kpurowɑ i ko i di. 12 Adɑmɑ gunɔ si i#ǹ dimɔ siyɑ, gunɔ bɑkeru kɑ yɑbereku kɑ gunɔ bɑke te tɑ rɑ n wɑ̃ɑ nim wɔ̃kuɔ 13 kɑ bɔsu sooku kɑ siro kɑ ye yɑ kɑ gu weenɛ kpuro 14 kɑ gbɑnɑmgbɑɑru kɑ ye yɑ kɑ tu weenɛ kpuro 15 kɑ tɑɑtɑɑru kɑ booro kɑ kpɑruko yɑ̃ɑtɑm bɑrebu kɑ kɑsɑ kɑ ye yɑ kɑ ye weenɛ kpuro
16 kɑ booron bweseru bɑɑtere 17 kɑ gbɑmgbɑyɑku kɑ tionko kɑ swɑ̃ɑ wĩɑku 18 kɑ nim kpɑkpɑyɛ kɑ bukɑɑbo kɑ ye yɑ kɑ ye weenɛ kpuro kɑ kpurɑbu kɑ sere kɔ̃ɔ.
19 I ko i kɔkɔmii ni nu rɑ yɔ̃ yɔ̃ gɑrisiwɑ disiginu. I ku rɑ nu di. 20 Adɑmɑ ni nu dɛɛre kpurowɑ i ko i kpĩ i di.
21 I ku rɑ yɑɑ gɑɑ di ye yɑ kɑ tii gu. I ye sɔɔ wi u wɑ̃ɑ bɛɛn yɛnuɔ kɛ̃ɛyɔ u di ǹ kun mɛ i ye sɔbu gɑbu dɔre. Domi i sɑ̃ɑwɑ Gusunɔ bɛsɛn Yinnin tɔmbu mɑm mɑm. I ku rɑ mɑɑ boo buu yike kɑ gen mɛron bom.
Wɔkuru bɑɑteren wɔllun
tiɑ tiɑn woodɑ
22 Wɔ̃ɔ bɑɑgere, bɛɛn gbeɑn dĩɑnu sɔɔ, wɔkuru bɑɑteren wɔllɔ tiɑ tiɑwɑ i ko i n dɑ wunɛ, 23 kpɑ i n dɑ kɑ de Gusunɔ bɛsɛn Yinnin sɑ̃ɑ yerɔ te u gɔsɑ. I ko i tiɑ tiɑ ye wunɑ bɛɛn ɑlikɑmɑ sɔɔ kɑ dɑ̃ɑ bii ni bɑ rɑ kɑ tɑm ko sɔɔ kɑ ni bɑ rɑ kɑ gum ko sɔɔ, kpɑ i ye di mi, kɑ bɛɛn nɛɛ kɑ bɛɛn yɑ̃ɑnu kɑ bɛɛn bonun bii gbiikinu. Ye kpurowɑ i ko i n dɑ di mi, kpɑ i kɑ giɑ nge mɛ i ko i n dɑ Gusunɔ bɛɛn Yinni nɑsie bɑɑdommɑ. 24 Sɑnɑm mɛ Gusunɔ bɛsɛn Yinni u koo bɛɛ domɑru kuɑ mɑ bɛɛn dĩɑnu nu koorɑ, sɔrɔkudo i#ǹ kpĩɑ i kɑ tiɑ tiɑ ye nɑ ye i wunɑ wɔkuru bɑɑteren wɔllɔ yèn sɔ̃ bɛɛn gbɑburɑ tomɑ kɑ win sɑ̃ɑ yee te u gɔsɑ mi. 25 Sɑɑ ye sɔɔ, i ko i tiɑ tiɑ ye dɔrɑwɑ yè i wunɑ wɔkuru bɑɑteren wɔllɔ mi, kpɑ i yen gobi nɛnumɑ i kɑ nɑ Gusunɔ bɛsɛn Yinnin sɑ̃ɑ yerɔ te u gɔsɑ. 26 Miyɑ i ko i kɑ gobi yi nɛɛ dwe kɑ yɑ̃ɑnu ǹ kun mɛ bonu kɑ tɑm mɛ mu du kɑ mɛ mu bɔ ye yɑ koo kɑ bɛɛ nɑɑwɑ kpuro gesi kpɑ i ye di mi, i n kɑ Gusunɔ bɛɛn Yinni sɑ̃ɑmɔ, kpɑ i n nuku dobu mɔ̀ bɛɛ kɑ bɛɛn yɛnugibu. 27 Sɑɑ ye sɔɔ, i ku rɑ Lefibɑ duɑri be bɑ wɑ̃ɑ bɛɛn wusɔ, domi bɑ#ǹ tem mɔ bɛɛn suunu sɔɔ.
28 I ko i n dɑ wɔ̃ɔ itɑse kɑ wɔ̃ɔ itɑsen wɔkuru bɑɑteren wɔllɔn tiɑ tiɑ yiwɑ bɛɛn wusɔ, 29 kpɑ yɑ n sɑ̃ɑ Lefibɑgiɑ be, be bɑ#ǹ tem mɔ bɛɛn suunu sɔɔ kɑ sɔbugiɑ kɑ gobekubɑgiɑ kɑ gɔminibugiɑ be bɑ wɑ̃ɑ bɛɛn suunu sɔɔ, kpɑ bu di bu debu kpɑ Gusunɔ bɛsɛn Yinni u bɛɛ domɑru kuɑ bɛɛn sɔmɑ kpuro sɔɔ ye i mɔ̀.