ISIRELIBAN YARIBU YORUN DI
Bɑ tire te sokɑ Yɑribu yèn sɔ̃ terɑ tɑ sun sɔ̃ɔmɔ nge mɛ Gusunɔ u kɑ Isirelibɑ yɑrɑ Egibitin di mi bɑ yoru dimɔ. N deemɑ gɔ̃ɔrɑ tɑ kɑ Isirelibɑ dɑ Egibiti mi. Gɔ̃ɔ ten biru, bɑ sinɑ mi, bɑ mɑrurɑ. Adɑmɑ ɑmɛn biru Egibitin sunɔ u bu yoru diisiɑ, mɑ Gusunɔ u ben weeweenu nuɑ. Yerɑ u kpɑro goo gɔsɑ be sɔɔ, u kɑ bu yɑrɑ yoo ten di. Kpɑro wiyɑ Mɔwisi. Nɔni swɑ̃ɑ dɑbirɑ Yinni Gusunɔ u Egibitigibu kpɛ̃ɛ bɑ sere wurɑ bɑ Isireli be yɔ̃su. Mɑ bɑ yɑrɑ Egibitin min di. Bɑ dɑ bɑ wɑ̃ɑ gbɑburɔ. Miyɑ u wure u geruɑ u sire mɑ bɑ ko n sɑ̃ɑ win tɔmbu. Adɑmɑ bɑ nùn mɛm nɔɔ sɑriru koosi nɔn dɑbinu. Sɑnɑm mɛ Mɔwisi u yɔɔwɑ Sinɑin guurɔ Yinni Gusunɔ u nùn woodɑbɑ wɛ̃ kɑ sere mɑɑ win kuu bekurugirun kpunɑɑ. Tire ten wii goberu tɑ kɑ kuu bekurugii ten sɔmburu yɑ̃.
Tire ten kpunɑɑ
1. Mɔwisin mɑrubu kɑ win sokuru Gusunɔn sɔmburu sɔɔ, wiru 1n di sere wiru 4.
2. Gusunɔ u Isirelibɑ yɑrɑ yorun di, wiru 5n di sere wiru 18.
3. Gusunɔ u kɑ Isirelibɑ ɑrukɑwɑni bɔkuɑ, wiru 19n di sere wiru 31.
4. Isirelibɑ bɑ mɛm nɔɔbu sɑriru kuɑ, wiru 32n di sere wiru 33:6.
5. Gusunɔ u wɑ̃ɑ Isirelibɑn suunu sɔɔ, wiru 33:7n di sere wiru 34.
6. Swɑɑ ye Isirelibɑ bɑ koo swĩi bu kɑ ben torɑnun suuru wɑ, wiru 35n di sere wiru 40.