HANDUNIAN TORUBU
Bibelin tire gbiikirɑ bɑ sokumɔ Hɑnduniɑn Torubu. Terɑ tɑ sun sɔ̃ɔsimɔ nge mɛ bɑ kɑ hɑnduniɑ kɑ tɔnu tɑkɑ kuɑ, kɑ nge mɛ durum kɑ wɑhɑlɑ yɑ kɑ toruɑ hɑnduniɑ sɔɔ. Terɑ tɑ mɑɑ sun Isirelibɑn sikɑdobɑn gɑri sɔ̃ɔmɔ. Sikɑdo ben gbiikoowɑ Aburɑhɑmu wi u yĩsiru yɑrɑ win nɑɑnɛ dokebun sɔ̃ kɑ win mɛm nɔɔbun sɔ̃. Terɑ tɑ mɑɑ sun win bii Isɑkin gɑri sɔ̃ɔmɔ kɑ sere mɑɑ win debubu Yɑkɔbu wi u bibu wɔkurɑ yiru mɑrɑ.
Bibu wɔkurɑ yiru yen turo u kuɑ nɛnɛm. Win yĩsirɑ Yosɛfu. Wiyɑ u win tundo kɑ win mɑɑbu kɑ win wɔnɔbu fɑɑbɑ kuɑ Egibitiɔ gɔ̃ɔrun sɑɑ sɔɔ.
Tire ten kpunɑɑ
1. Hɑnduniɑn torubu, wiru 1n di sere wiru 11.
2. Aburɑhɑmun gɑri, wiru 12n di sere wiru 25:18.
3. Isɑkin gɑri, wiru 25:19n di sere wiru 26:35.
4. Yɑkɔbun gɑri, wiru 27n di sere wiru 36.
5. Yosɛfun gɑri, wiru 37n di sere wiru 50.