Aburɑhɑmun bibu gɑbu
25
1 Sɑɑrɑɑn gɔɔn biru Aburɑhɑmu u mɑɑ kurɔ suɑ. Kurɔ win yĩsirɑ Keturɑ. 2 Kurɔ wi, u Aburɑhɑmu bibu nɔɔbɑ tiɑ mɑruɑ. Berɑ Simurɑni kɑ Yokusɑni kɑ Mɛdɑni kɑ Mɑdiɑni kɑ Yisibɑku kɑ Suɑ. 3 Mɑ Yokusɑni u seewɑ u Sebɑ kɑ Dedɑni mɑrɑ. Dedɑnin bibun bweserɑ Asuribɑ kɑ Letusibɑ kɑ Lumibɑ. 4 Mɑdiɑni u mɑɑ seewɑ u bibu mɑrɑ. Berɑ Efɑ kɑ Efɛɛ kɑ Enɔku kɑ Abidɑ kɑ Ɛlidɑ. Beni kpurowɑ bɑ sɑ̃ɑ Keturɑn bibu kɑ win nikurɔminu.
5 Adɑmɑ ye Aburɑhɑmu u mɔ kpuro, Isɑki turowɑ u wɛ̃. 6 Mɑ u win kurɔ be bɑ tien bibu kɛ̃nu kɑ̃ kɑ̃. Yen biru u bu girɑ Isɑkin min di, bɑ dɑ sɔ̃ɔ yɑri yerun berɑ giɑ.
Aburɑhɑmu u gu,
bɑ nùn sikuɑ
7-8 Aburɑhɑmu u tɔkɔ kuɑ kɔ̃ɔ kɔ̃ɔ, u kuɑwɑ wɔ̃ɔ wunɑɑ wɑtɑ kɑ wɔkurɑ nɔɔbu (175) mɑ u kpunɑ u gu. 9 Yerɑ win bibu Isɑki kɑ Isimɛɛli bɑ nɑ bɑ nùn sikuɑ Mɑkpelɑn kpee wɔruɔ Eforoni Sokɑɑn biin gberɔ, Mɑnden deedeeru. Eforoni wi, u sɑ̃ɑwɑ Hɛti. 10 Aburɑhɑmun tiiwɑ u gbee te dwɑ Hɛtibɑn mi. N deemɑ miyɑ bɑ rɑɑ win kurɔ Sɑɑrɑɑ sikuɑ. 11 Aburɑhɑmun gɔɔn biru Gusunɔ u win bii Isɑki domɑru kuɑ. Sɑɑ ye sɔɔ, u wɑ̃ɑwɑ dɔkɔn bɔkuɔ ye bɑ mɔ̀ Gusunɔ u mɑn wɑɑmɔ.
Isimɛɛlin bibun bweseru
12 Isimɛɛlin bibun bweseru wee. Isimɛɛli u sɑ̃ɑwɑ Aburɑhɑmun bii wi u kɑ Agɑɑ Egibitigii mɑrɑ. Agɑɑ wi, u sɑ̃ɑwɑ Sɑɑrɑɑn yoo wi u Aburɑhɑmu wɛ̃ kurɔ. 13 Isimɛɛli wiyɑ u seewɑ u bibu mɑrɑ. Ben yĩsɑ wee nge mɛ bɑ bɔm wɛ̃ɛnɑ. Nɛbɑyɔtuwɑ u sɑ̃ɑ win bii gbiikoo. Nɛbɑyɔtun wɔnɔbɑ Kedɑɑ kɑ Adibɛli kɑ Mibusɑmu 14 kɑ Mikimɑ kɑ Dumɑ kɑ Mɑsɑ 15 kɑ Hɑdɑdi kɑ Temɑ kɑ Yeturi kɑ Nɑfisi kɑ Kɛdimɑ. 16 Mɑ be wɔkurɑ yiru yen bɑɑwure u kuɑ win bwese kɛrɑn wirugii. Ben tiin yĩsɑ bɑ ben wusu kɑ̃ kɑ ben gberu kpɑɑnɛbɑ. 17 Isimɛɛli u kuɑwɑ wɔ̃ɔ wunɑɑ teeru kɑ wɔkurɑ nɔɔbu kɑ yiru. Yen biru u kpunɑ u gu u win bɑɑbɑbɑ deemɑ gɔriɔ. 18 Win bibu bɑ wɑ̃ɑwɑ nɛnɛm bɑ kɑ Aburɑhɑmun bii be bɑ tie tondinɛ. Bɑ dɑ bɑ sinɑ Hɑfilɑ kɑ Surin tem bɑɑ sɔɔ Egibitin tem sɔ̃ɔ yɑri yeru giɑ, Asirin swɑɑɔ.YAKƆBU
Esɑu kɑ Yɑkɔbu
19 Aburɑhɑmun bii Isɑkin bibun bweseru wee. 20 Ye Isɑki u kuɑ wɔ̃ɔ weeru yerɑ u Rebekɑ suɑ kurɔ. Rebekɑ u sɑ̃ɑwɑ Lɑbɑnin sesu. Ben bɑɑwɑ Bɛtuɛli Arɑmugii. Ben wuuwɑ mɑɑ Pɑdɑnɑrɑmu. 21 Isɑki u Yinni Gusunɔ kɑnɑ win kurɔn sɔ̃ domi u kuɑ wĩro. Gusunɔ u win kɑnɑru mwɑ, mɑ win kurɔ Rebekɑ u gurɑ suɑ. 22 Yerɑ bibɑ kuru kɑrɑnɑmɔ win nukurɔ. Mɑ u nɛɛ, mbɑn sɔ̃nɑ yenin bweserɑ mɑn deemɑ.
Mɑ u Gusunɔ bikiɑ, mbɑ yenin tubusiɑnu.
23 Yerɑ Yinni Gusunɔ u nùn sɔ̃ɔwɑ u nɛɛ,
bwesenu yiruwɑ nu wɑ̃ɑ wunɛn nukurɔ.
Bwese ni, nu koo kɑbɑnɑ
sɑnɑm mɛ nu yɑrɑ wunɛn nukurun di.
Nin teerɑ koo tensim dɑm kerɑ.
Mɔɔ\f |b25:23 mɔɔ|d - Yuubɑn mi, sikɑ wi bɑ gbiɑ bɑ mɑrɑ, wiyɑ tɔnwero.\F wiyɑ u koo win wɔnɔ wiru kpĩiyɑ.
24 Ye kurɔ win mɑru suru yibɑ, wee sikɑbɑrɑ bɑ wɑ̃ɑ win nukurɔ. 25 Gbiikoo u yɑrɑ mɑ win wɑsi sɑnsu yibɑ, mɑ bɑ nùn yĩsiru kɑ̃ Esɑu\f |b25:25 Esɑu|d - Yĩsi ten tubusiɑnɑ, wi u sɑnsu mɔ.\F. 26 Yen biru yiruse mɑɑ yɑrimɑ. Win nɔmɑ Esɑun nɑɑ tokuru nɛni. Mɑ bɑ nùn yĩsiru kɑ̃ Yɑkɔbu\f |b25:26 Yɑkɔbu|d - Yĩsi ten tubusiɑnɑ, wi u goon ɑyeru mwɑ.\F. Isɑki u mɔwɑ wɔ̃ɔ wɑtɑ sɑnɑm mɛ bɑ bu mɑrɑ.
27 Bii be, bɑ seewɑ bɑ kpɛ̃ɑ. Esɑu u kuɑ tɑɑso geo, u rɑ n wɑ̃ɑwɑ yɑkɑsɔ. Adɑmɑ Yɑkɔbu u kuɑwɑ tɔn sɛ̃ɛ wi u rɑ n wɑ̃ɑ yɛnuɔ. 28 Isɑki u Esɑu kĩru bo, domi u rɑ win tɑɑsorun yɑɑ tem. Mɑ Rebekɑ u mɑɑ Yɑkɔbu kĩru bo.
29 Sɔ̃ɔ teeru nge mɛ Yɑkɔbu u ɑgbɑɑrɑ ye yɑ swɛ̃ri mɔ̀, yerɑ Esɑu u wurɑmɑ tɑɑso gberun di kɑ wɑsirɑ bɑkɑru. 30 Yerɑ u Yɑkɔbu sɔ̃ɔwɑ u nɛɛ, ɑ mɑn yɑbu swɑ̃ɑ ye sɔko n nɔ, domi nɑ wɑsirɑ too.
Yen sɔ̃nɑ bɑ Esɑu sokɑ Edɔmu. Yen tubusiɑnɑ tɔn swɑ̃ɔ.
31 Mɑ Yɑkɔbu u nɛɛ, ɑ ginɑ mɑn wunɛn bii yerumɑrun tubi dɔreo.
32 Esɑu u nɛɛ, n wee nɑ gɔɔ dɔɔ. Mbɑ nɛn yerumɑrun ɑrufɑɑni.
33 Mɑ Yɑkɔbu nɛɛ, ɑ bɔ̃ruo ginɑ.