21
Ka Uod no Brunsi
4 Nighipanow ka mgo otow ligkat to Bubungan to Hor to daan pohondio to Malaab no Dagat odyow to poglibut to Edom. Di no-opus on ka goinawa to mgo otow to poghipanow ran; 5 woy nig-aaras sikandan tongod to Magboboot woy tongod ki Mosis no kagi ran “Manio to pig-aap koy nu ligkat to Ehiptu odyow no ogkammatoy koy kai to han-hanawan? Waro pan! Waro woig! Woy napoaan koy on to soini no koonon noy no waro nanam!”
6 No nigpa-aap ka Magboboot to mgo uod no ogpakahilu taliwaro kandan. Nigpangagat ka mgo uod to mgo otow, woy moon-ing ka mgo otow to Israil no nammatoy. 7 No nigdani ka mgo otow ki Mosis no kagi ran “Nakasao koy to nigkagi koy no nig-atu to Magboboot woy nig-atu to koykow. Panubad ka duon to Magboboot odyow no og-awoon din ka soini no mgo uod.” No nigpanubad si Mosis tongod to mgo otow. 8 No nigkagi ka Magboboot ki Mosis to “Himu ka to uod woy ikawoy nu to sagboka no suwoy; agad hontow no ogkakagat to uod ko ogpitow sikandin to sikan kono sikandin ogkamatoy.”
9 No nighimu si Mosis to uod no brunsi, woy inkawoy rin to sagboka no suwoy. No ko duon otow no nakagat to uod, nigpitow sikandin to uod no brunsi woy nigpalinggaat sikandin no manokal.