11
Ka Matikang No Baoy to Babil
1 Dongan, sagboka ro ka kinagian to tibon mgo otow to kalibutan. 2 To pogbunsud to poghalin to mgo otow pohondio to ogsilaan, noko-uma sikandan to naapu dio to longod to Sinar, woy nig-ugpo sikandan dio.
3 Nigmanang-nangonoy sikandan no kagi “Oghimu ki to mgo tisaawoy ogdorodyowon ta to pogpagba to sikan odyow no ogmakogal.” No sikan ian, niggamit sikandan to mgo tisa liwan to mgo batu woy niggamit sikandan to alkitranbliwan to cimintu no igparokot. 4 Woy nignangon sikandan to “Oghimu ki to dakol no ugpaan no duon matikang no baoy no ogpoko-uma to langit, odyow no ogmabantug ki woy odyow no kono ki ogpokogluatluat kai to ampow to tano.”
5 Di nigpamanoug ka Magboboot odyow to pogpitow to dakol no ugpaan woy to matikang no baoy no pighimu to mgo otow. 6 Nigkagi ka Magboboot no, “Ko soini ian ka pigbunsuran dan no sagboka ro no koot-otawan sikandan no sagboka ro ka kinagian dan, agad nokoy no ogbantaanon dan ogkatood. 7 No, ogpamanoug ki odyow no ogguligawon ta ka kinagian dan odyow no kono ogpokogsabut sikandan.”
8 Nokoy naan pinogsuwoysuwoy sikandan to Magboboot ligkat dio taman to tibon kalibutan, woy nighagtong sikandan to poghimu to sikan no dakol no ugpaan. 9 Sikan ian ka ligkatan no pighingaranan ka sikan no lunsud to Babilc- hoo su dio pigguligow to Magboboot ka kinagian to tibon mgo otow. Ligkat dio pinogsuwoysuwoy sikandan to Magboboot taman to tibon kalibutan.
10 Soini ian ka nangnangonon moitongod ki Sim. Daruwa no tuid takas to ugub, to songo gatus on ka panuigon ni Sim, nohimu sikandin no amoy ni Arpaksad. 11 Woy takas to nohimu sikandin no amoy ni Arpaksad, noko-uma pad si Sim to 500 no tuid, woy duon duma pad no mgo anak din no mgo lukos woy mgo boi.
12 To nigpanuigon on si Arpaksad to 35 no tuid, nohimu sikandin no amoy ni Sala. 13 Woy takas to nohimu sikandin no amoy ni Sala, noko-uma pad si Arpaksad to 403 no tuid woy duon duma pad no mgo anak din no mgo lukos woy mgo boi.
14 To nigpanuigon on si Sala to 30 no tuid, nohimu sikandin no amoy ni Ibir.d 15 Woy takas to nohimu sikandin no amoy ni Ibir, noko-uma pad si Sala to 403 no tuid, woy duon duma pad no mgo anak din no mgo lukos woy mgo boi.
16 To nigpanuigon on si Ibir to 34 no tuid, nohimu sikandin no amoy ni Pilig. 17 Woy takas to nohimu sikandin no amoy ni Pilig, noko-uma pad si Ibir to 430 no tuid, woy duon duma pad no mgo anak din no mgo lukos woy mgo boi.
18 To nigpanuigon on si Pilig to 30 no tuid, nohimu sikandin no amoy ni Riu. 19 Woy takas to nohimu sikandin no amoy ni Riu, noko-uma pad si Pilig to 209 no tuid, woy duon duma pad no mgo anak din no mgo lukos woy mgo boi.
20 To nigpanuigon on si Riu to 32 no tuid, nohimu sikandin no amoy ni Sirug. 21 Woy takas to nohimu sikandin no amoy ni Sirug, noko-uma pad si Riu to 207 no tuid, woy duon duma pad no mgo anak din no mgo lukos woy mgo boi.
22 To nigpanuigon on si Sirug to 30 no tuid, nohimu sikandin no amoy ni Nahor. 23 Woy takas to nohimu sikandin no amoy ni Nahor, noko-uma pad si Sirug to 200 no tuid, woy duon duma pad no mgo anak din no mgo lukos woy mgo boi.
24 To nigpanuigon on si Nahor to 29 no tuid, nohimu sikandin no amoy ni Tara. 25 Woy takas to nohimu sikandin no amoy ni Tara, noko-uma pad si Nahor to 119 no tuid, woy duon duma pad no mgo anak din no mgo lukos woy mgo boi.
26 To nigpanuigon on si Tara to 70 no tuid, nohimu sikandin no amoy ni Abram, ni Nahor woy ni Haran.
27 Soini ian ka nangnangonon tongod ki Tara. Nohimu si Tara no amoy ni Abram, ni Nahor woy ni Haran, woy si Haran nohimu no amoy ni Lot. 28 To manokal pad si Tara no amoy rin, namatoy si Haran dio to Ur to Kaldiu no ian ka nootowan din no tano. 29 Nangasawa si Abram woy si Nahor. Ka asawa ni Abram ian si Sarai, woy ka asawa ni Nahor ian si Milka; si Milka woy si Iska ian ka mgo anak ni Haran. 30 No, waro anak ni Sarai su kono ogpakapanganak sikandin.
31 Pig-aap ni Tara ka anak din no si Abram woy ka apu din no si Lot (no anak ni Haran), woy ka amboy rin no si Sarai no asawa ni Abram, woy nigdurungan nigligkat sikandan to Ur to Kaldiu no pohondio to Canaan. Di, to poglopow ran dio to lunsud to Haran, nig-ugpo sikandan dio.
32 205 no tuid ian ka ukul ni Tara woy namatoy sikandin dio to Haran.