10
Ka Mgo Kapunganan Ni Noi
1 Soini ian ka nangnangonon moitongod to mgo anak ni Noi, no ian si Sim, si Ham woy si Yapit no songo naka-anak to mgo lukos to nigligad on ka ugub.
2 Ka mgo anak no lukos ni Yapit ian si Gomir, si Magog, si Madai, si Yaban, si Tubal, si Misik woy si Tiras. 3 Ka mgo anak no lukos ni Gomir ian si Askinas, si Ripat woy si Togarma. 4 Ka mgo anak no lukos ni Yaban ian si Elisa, si Tarsis, si Kiti no ian ka amoy to mgo Kitihanon woy si Dodan no ian ka amoy to mgo Dodanihanon. 5 Ligkat to soini no mgo kapunganan ni Yapit nigtangkap ka kara koot-otawan no og-ugpo to mgo ilis to dagat, no duon kara sagboka no kinagian.
6 Ka mgo anak no lukos ni Ham ian si Cus, si Misraima, si Put woy si Canaan. 7 Ka mgo anak no lukos ni Cus ian si Siba, si Havila, si Sabta, si Raama woy si Sabtika. Ka mgo anak no lukos ni Raama ian si Siba woy si Didan.
8 Si Cus ian ka amoy ni Nimrod, no nohimu no mabantug no bagani to kalibutan. 9 Nohimu sikandin no bantuganon no manganganop dio to tangkaan to Magboboot, no sikan ian ka pugtian no nignangon ka mgo otow to “Iing ki Nimrod no bantuganon no manganganop dio to tangkaan to Magboboot.” 10 Ka an-anadyan no mgo lunsud no nasakup to kandin no pandatuan ian ka Babil, ka Irik, ka Akad woy ka Kalni no olin dio to tano to Sinar. 11 Ligkat dio, nighondio si Nimrod to Assur woy nigpos-ok sikandin to mgo lunsud to Ninibi, Rihobot Ir, Cala 12 woy Risin, no duon to taliwaro to Ninibi woy Cala no ian ka dakol no lunsud.
13 Si Misraim ian ka amoy to mgo koot-otawan to Lud, to Anam, to Lahab, to Naptu, 14 to Patrus, to Caslu (no ian ka ligkatan to mgo Filistihanon) woy to Captor.
15 Si Canaan ian ka amoy ni Sidon no panganoy rin woy to mgo koot-otawan to Hit, 16 to Yibus, to Amor, to Girgas, 17 to Hib, to Ark, to Sin, 18 to Arvad, to Simar woy to Hamat.
No, to pogkomourian nokogsuwoysuwoy ka mgo kapunganan ni Canaan, 19 woy ka mgo oatan to tano dan nakataman to Sidon pohondio to Girar woy taman to Gasa, no songo pohondio to Sodoma, to Gomora, to Adma woy to Siboim taman to Lasa.
20 Sikandan ian ka mgo kapunganan ni Ham no mgo koot-otawan no duon kandan do no mgo kinagian woy mgo tano woy mgo nasud.
21 Si Sim ian ka kakoy ni Yapitbwoy songo naka-anak si Sim woy nohimu sikandin no amoy to tibon mgo Hibriu.
22 Ka mgo anak no lukos ni Sim ian si Ilam, si Assur, si Arpaksad, si Lud woy si Aram.
23 Ka mgo anak no lukos ni Aram ian si Us, si Hul, si Gitir woy si Mas.
24 Si Arpaksad ian ka amoy ni Sala, woy si Sala ian ka amoy ni Ibir.c
25 Daruwa ka mgo anak no lukos ni Ibir: ka sagboka pighingaranan ki Pilig, su nabaad ka kalibutan to kandin no mgo tuidd; woy ka suod din pighingaranan ki Yoktan.
26 Si Yoktan ian ka amoy ni Almodad, ni Salip, ni Hasarmavit, ni Yara, 27 ni Hadoram, ni Usal, ni Dikla, 28 ni Obal, ni Abimail, ni Siba, 29 ni Opir, ni Havila woy ni Yobab. Tibo soini mgo anak no lukos ni Yoktan.
30 Ka tano no pig-ugpaan dan nigligkat to Misa taman to Sipar dio to kabubunganan to ogsilaan.
31 No, sikandan ian ka mgo anak ni Sim sumao to mgo kapunganan, mgo kinagian, mgo tano woy mgo nasud dan.
32 No, sikandan tibo ian ka mgo kapunganan to mgo anak ni Noi sumao to mgo minuna woy mgo ugpaan dan. Ligkat kandan nigtangkap ka mgo koot-otawan to kalibutan takas on to ugub.