5
Mgo Kapunganan Ni Adam
1 Soini ian ka sulat to mgo kapunganan ni Adam.
To poghimu to Magboboot to otow, nohimu sikandin no iing to Magboboot. 2 Pighimu rin sikandan lukos woy boi woy pigboligan din woy pighingaranan din sikandan no mgo otow.
3 To nigpanuigon on si Adam to 130, duon anak din no lukos no unawa to langlanguan din, woy pighingaranan din ki Sit. 4 To nootow on si Sit, noudyag pad si Adam to 800 no tuid, woy duon duma pad no mgo anak din no mgo lukos woy mgo boi. 5 To tibo, noudyag si Adam to 930 no tuid, woy namatoy sikandin.
6 To nigpanuigon on si Sit to 105 no tuid, nohimu sikandin no amoy ni Inos, 7 woy takas to nohimu sikandin no amoy ni Inos, noudyag pad si Sit to 807 no tuid, woy duon duma pad no mgo anak din no mgo lukos woy mgo boi. 8 To tibo, noudyag si Sit to 912 no tuid, woy namatoy sikandin.
9 To nigpanuigon on si Inos to 90 no tuid, nohimu sikandin no amoy ni Kainan, 10 woy takas to nohimu sikandin no amoy ni Kainan, noudyag pad si Inos to 815 no tuid, woy duon duma pad no mgo anak din no mgo lukos woy mgo boi. 11 To tibo, noudyag si Inos to 905 no tuid, woy namatoy sikandin.
12 To nigpanuigon on si Kainan to 70 no tuid, nohimu sikandin no amoy ni Mahalalil, 13 woy takas to nohimu sikandin no amoy ni Mahalalil, noudyag pad si Kainan to 840 no tuid, woy duon duma pad no mgo anak din no mgo lukos woy mgo boi. 14 To tibo, noudyag si Kainan to 910 no tuid, woy namatoy sikandin.
15 To nigpanuigon on si Mahalalil to 65 no tuid, nohimu sikandin no amoy ni Yarid, 16 woy takas to nohimu sikandin no amoy ni Yarid, noudyag pad si Mahalalil to 830 no tuid, woy duon duma pad no mgo anak din no mgo lukos woy mgo boi. 17 To tibo, noudyag si Mahalalil to 895 no tuid, woy namatoy sikandin.
18 To nigpanuigon on si Yarid to 162 no tuid, nohimu sikandin no amoy ni Inok, 19 woy takas to nohimu sikandin no amoy ni Inok, noudyag pad si Yarid to 800 no tuid, woy duon duma pad no mgo anak din no mgo lukos woy mgo boi. 20 To tibo, noudyag si Yarid to 962 no tuid, woy namatoy sikandin.
21 To nigpanuigon on si Inok to 65 no tuid, nohimu sikandin no amoy ni Matusala, 22 woy takas to nohimu sikandin no amoy ni Matusala, nigduma pad si Inok to Magboboot to 300 no tuid, woy duon duma pad no mgo anak din no mgo lukos woy mgo boi. 23 To tibo, noudyag si Inok to 365 no tuid. 24 Nigduma si Inok to Magboboot, woy nahaglong on sikandin su pigbatun on to Magboboot.
25 To nigpanuigon on si Matusala to 187 no tuid, nohimu sikandin no amoy ni Lamik, 26 woy takas to nohimu sikandin no amoy ni Lamik, noudyag pad si Matusala to 782 no tuid, woy duon duma pad no mgo anak din no mgo lukos woy mgo boi. 27 To tibo, noudyag si Matusala to 969 no tuid, woy namatoy sikandin.
28 To nigpanuigon on si Lamik to 182 no tuid, duon anak din no lukos. 29 Pighingaranan din ka anak din ki Noia, woy nignangon sikandin to “ogbogoy sikandin kanami to maawang no goinawa dio to mabogat no tarabau to mgo boad noy kai to tano no pigtungadyawan to Magboboot.” 30 Woy takas to pogkootow ni Noi, noudyag pad si Lamik to 595 no tuid, woy duon duma pad no mgo anak din no mgo lukos woy mgo boi. 31 To tibo, noudyag si Lamik to 777 no tuid, woy namatoy sikandin.
32 To 500 on ka panuigon ni Noi, nohimu sikandin no amoy ni Sim, ni Ham woy ni Yapit.