6
Si Noi
1 To nigbunsud on nigmarasig ka mgo otow to kalibutan woy duon on mgo anak dan no boi, 2 nakakita ka mgo anak no lukos to Magbobootano marodyow pitawon naan ka mgo anak no boi to mgo otow, woy nigmangasawa sikandan to agad hondoi no noiniatan dan. 3 Nokoy naan nignangon ka Magboboot no ‘Kono og-apul ka gimukud ku to mgo otow taman to katamanan, su sapu do sikandan; 120 do no tuid ian ka katamanan to ukul dan.’
4 Duon ka mgo pagpagamadyan no otowb to kalibutan to sikan no mgo allow woy to mourian no mgo allow, no ian sikandan ka mgo anak to poghilabot to mgo anak no lukos to Magboboot woy to mgo anak no boi to mgo otow. Sikandan ian ka mgo bagani nokani; mgo mabantug no mgo otow ian.
5 To nakita to Magboboot ka karakoan to karootan to mgo otow to tano, woy no maroot ladyun ka kara sumsumanan to goinawa ran, 6 nigsolsol ka Magboboot no pighimu rin ka mgo otow to tano, woy nigmasakit lagboy ka goinawa rin.
7 Nokoy naan no nigkagi ka Magboboot to ‘Og-awoon ku ka koot-otawan no pighimu ku ligkat to ampow to tano; mgo otow, mgo adyam, mgo ogpananap no uod-uod, woy mgo manuk-manuk to aw-awangan; og-awoon ku ka tibo: hoo su nigsolsol a no pighimu ku sikandan.’
8 Di, narago atag ka Magboboot ki Noi.
9 Soini ka nangnangonon ki Noi.
Matuarong no otow si Noi, waro igkasawoy dio to mgo otow to kandin no mgo tuid, woy nigduma sikandin to Magboboot. 10 Tatou ka mgo anak no lukos ni Noi; ian si Sim, si Ham woy si Yapit.
11 Kuntoon naponu ka kalibutan to karootan to tangkaan to Magboboot. 12 Nakita to Magboboot ka karootan to kalibutan, su maligsom ka mgo pighimu to tibon mgo otow to kalibutan. 13 Nokoy naan nignangon ka Magboboot ki Noi to “Og-awoon ku ka tibon mgo otow, su naponu ka kalibutan to karootan tongod kandan. Ian ian og-awoon ku sikandan woy ka tano. 14 Nokoy naan himu ka to sooranan no oghingaranan no arca.c Woy himui nu sikan to kadyu no gopirdno duon mgo sinabong, woy dukuta nu sikan dio to sood woy to libuwasan to alkitrane. 15 Soini ian ka oghimuon nu; ka kaadyatan to arca ogkohimu no 75 no dopaf, ka kau-agan din 12 no dopa woy hop-at no dangowgwoy ka katikangan 7 no dopa woy hop-at no dangowh. 16 Himui nu to atop no ka katikangan songo maniku pohondio to ampow. Sabuki nu to gomawan dio to ilis to arca woy tangona nu dio to diraom, dio to taliwaro, woy dio to ampow woy pansoogi nu. 17 Ogpa-aap a to mgo woig no igpo-ugub odyow to pog-awo to tibo no noudyag diraom to langit, ian ka tibo no duon goinawa. Ka tibo no duon to kalibutan ogkammatoy. 18 Di oghimu a to kasabutan duma koikow, woy ogsood ka to arca; sikoikow woy ka mgo anak nu no lukos, woy ka asawa nu woy ka mgo amboy nu duma koikow. 19 Aapa nu dio to sood to arca ka kadadaruwa no duon goinawa; lukosan woy boian odyow no ogkoudyag pad sikandan duma koikow. 20 Ogmandani koikow ka tagdaruwa to kara manuk-manuk, woy to kara adyam, woy to kara ogpananap to tano odyow no ogkoudyag pad sikandan. 21 Puruta nu ka tibo no ogkakoon woy isabuk nu to arca odyow no duon ogkakoon nu woy kandan.
22 Pighimu ian ni Noi ka tibo no insugu to Magboboot kandin.