2
Ka Pog-ampu ni Jonas
1 To duon si Jonas to gotok to isda, nigpannanoy sikandin to Magboboot no Igbudyag din no kagi,
2 “To ingkabaybadyari ku, nig-umow a koikow Magboboot woy pigtabak a nu. To nakalobong a dio to diraom to kamatadyon, nigpangiak a no ogkabuligan a nu porom, woy nigpannalinga ka koddi.
3 Intugdo a nu dio to maraom, dio to taliwaro to dagat; piglingutan a to mabolbol no woig woy naop-lop a to mgo luak.”
4 Kagi ku to, “Waro ad on. Pigdogil a nud on to tangkaan nu woy kono kud on buwa ogkakitaan man do ka koikow no in-oog no baoy no tubaranan.
5 Naonod a diot maraom no kono a ogpakagogoinawa; nabodboran to lagut to dagat ka koddi’n uu.
6 Nalobong a to kadirauman to bubungan; nabunbunan a to tano woy kono ad ogpakalibuwas. Di piglokat nu ka ukul ku, Magboboot ku, ligkat to maraom no nalokoban a.
7 “To ogkabigtawan ad on porom, naroromdoman ku sikoikow, Magboboot, woy pigdinog nu ka pog-ampu ku dio to in-oog no baoy no tubaranan nu.
8 “Pig-iniugan to mgo otow no nigkopkop to mgo inotowotow no waro puus ka kohoy-u no ogkatinawo dan porom.
9 Di sikoddi atag, og-uaging a no ogsadyo koikow. Ogpanubad a koikow woy ogtooron ku ka inpangulibot ku koikow. Koikow ro Magboboot ka puunan to kalipuwasan.”
10 Woy pigsugu to Magboboot ka isda no ogluwoon din si Jonas diot ilis to dagat.