Yhûmsîng Garai Lé Hkya-on Kúngton É Dang
150
Haû Yhûmsîng Garai lé,hkya-on keq.
Garai Gasang lé,
Yhâng é chyoiyúng yhûm má,
hkya-on keq;
Yhâng é a-tsam mó htoq é mauhkûng má,
Yhang lé hkya-on keq.
2 A-tsam bo é Yhâng é
lòq hkyî lòq zó é yánmai,
Yhang lé hkya-on keq;
bànshoq htoq má gyaú é,
Yhâng é kô làm hkyo é yánmai,
Yhang lé hkya-on keq.
3 Tut htê le mùt luî,
Yhang lé hkya-on mù,
tíng bat, sámpyí mùt luî,
Yhang lé hkya-on keq.
4 Chapchéng bàt luî, mahkôn gó mù, Yhang lé hkya-on luî,
tíng tui lang mù, wunpóng sámpyí mùt luî, Yhang lé hkya-on keq.
5 Chapchéng mó bàt luî,
Yhang lé hkya-on mù,
chapchéng htê mó lhoqhtoq luî,
Yhang lé hkya-on keq.
6 Kângsoq bo é lhúnglhâng bang gi,
haû Yhûmsîng Garai lé,
hkya-on kó sháng gàq.
Haû Yhûmsîng Garai lé,
hkya-on keq.