Garai Ge É Lé Hkya-ôn É Hkyô
113
Yhûmsîng Garai lé hkya-on keq.Yhûmsîng Garaî é duìnhâng zoshâng wui ê, hkya-on keq,
Yhûmsîng Garaî é myìng lé hkya-on keq.
2 Yhûmsîng Garaî é myìng gi,
ahkuî mai ahtum abyùq yhang,
hkya-ôn é huî nyì sháng gàq.
3 Yhûmsîng Garaî é myìng gi,
buìhtoq hkyam mai buìwàng hkyam je shoq,
hkya-on hui gíng é nghut ri.
4 Yhûmsîng Garai gi,
byù myû bànshoq htoq má,
hkya-on wàq toq é huî ri;
Yhâng é hpungwup shingkang gi,
mauhkûng htoq lháng myhang nyi ri.
5-6 Myhang é tángmyhâng má zung to mù,
mauhkûng eq myigùng lé,
ngóm wú kat é, ngá-nhûng é Garai Gasang,
haû Yhûmsîng Garai su,
ó yùq wá wó dùt râ lhú?
7 Yhang gi, myùng bang lé,
hpuílhup yô mai lhoqtoq yû mù,
asho awuî é bang lé,
myiwap bûm mai xe toq yû luî,
8 yhángmòq lé, yhángmòq é a-myû wui é
zaugun wuì eq rahá zùng nhang to bê nghut ri.
9 Yhang gi, baùdung myhí lé,
i-kun mù nhâng luî,
zodù wó mù,
gabú é înu dùt nhang é nghut ri.
Yhûmsîng Garai lé hkya-on keq.