Dawiq é jidang.
Yhûmsîng Garai Eq Yháng Hkyin Yu É Hkóhkâm
110
Haû Yhûmsîng Garai gi,ngá é Yhûmsîng lé,
“Ngò, náng é gumlau gye pé lé,
náng é hkyî nang tánghkuq
kut pyâm é hkyíng jé shoq,
Ngá é lòqyo hkyam shut
zung nyì shi aq.” ga taî ri.
2 Haû Yhûmsîng Garai gi,
náng é ùphkâng jòqtoq dumbáng mó lé,
Zi-un mai lhoqhing kat luî,
Nàng gi, Náng é gye pé lé,
ùp râ nghut lhê.
3 Nàng majan zân é buìnyì má,
náng é gyèzô pé gi,
chyoiyúng hkìkhkâm hkyô lé mhôn chûng mù,
yhûmsing myìt mai lé bo lòm kôrâ nghut lhê.
Nàpsûn nô lhê é nghân su,
náng é zorâm wuì gi,
náng chyáng lé kôrâ nghut lhê.
4 “Nàng gi, Melahkizedek wó é
hkyangjong ayá hkyô dông mai,
ahtum abyùq hkyangjong rayùq nghut nyi ri.”
ga haû Yhûmsîng Garai dâkam to bê nghut mù,
Yhang myìt é hkyô htaí râ a nghut.
5 Haû Yhûmsîng gi,
Náng é lòqyo hkyam má nghut nyî luî,
yhang nhikmó-yô é buìnyì má,
hkóhkam pé lé lhoqhkyop pyám râ nghut lhê.
6 Yhang gi, byù myû wuì lé,
târâ jéyáng luî,
màng bum zang to râ nghut lhê.
Myìdàm gón mâ é ùphkâng bang lé,
lhoqhkyop pyám râ nghut lhê.
7 Yhang gi, hkyô yàm má yui é,
wuìlàng zo mâ é wuì shuq râ nghut mù luî,
yhâng é ulhum lé tu toq râ nghut lhê.