Myhang Htâng É Hkóhkâm Garai Gasang
97
Yhûmsîng Garai gi, ùp nyi ri ô!Myìdàm htoq mâ é bang bànshoq gi,
gabú nyî kó sháng gàq;
We mâ é zinlóng pé gi,
gabú byam chyû nyì sháng gàq.
2 Mhuthtui pé eq htu é mauchut gi,
Yhâng é lhînghkyùq má jòq tô ri;
díngmán hkyô eq târâ ràp-rá hkyô gi,
Yhâng é tángmyhang é a-pûn awang nghut ri.
3 Myi gi, Yhâng é hí má e ló mù,
Yhâng é lhînghkyùq mâ é gye pé lé,
nyhê hkyô pyâm ri.
4 Yhâng é maulhap gi,
mingkan lé bó san byi mù,
myìdàm gi, haú lé myàng luî,
gyùq nán bum akô nghut ri.
5 Bùm pé gi,
myìdàm gón é Yhûmsîng,
haû Yhûmsîng Garaî é hí má,
byoshung su nyé yui byùq ri.
6 Mauhkûng gi,
Yhâng é díngmán hkyô lé taî pyô byi mù,
byù myû lhúnglhâng bang gi,
Yhâng é hpungwup shingkang lé,
myang akô nghut ri.
7 Alhô pé lé noqkuq luî,
haû hparà lhô pê é yánmai,
nghutbun dang taî é bang bànshoq gi,
hoq hpû byùq kó sháng gàq;
hparà pé bànshoq ê,
Yhang lé noqkuq keq!
8 Yhûmsîng Garai ê,
Náng é târâ jéyáng hkyo é yánmai,
Zi-un mâ é bang gi, wó gyo luî,
gabú byam chyu kômù,
Yudaq up wà pé mâ é bang gi,
gabú bum akô nghut ri.
9 Hkâsu mù gâ le, Yhûmsîng Garai ê,
Nàng gi, myìdàm htoq bànshoq má,
myhang htáng Sû nghut mù,
hparà pé bànshoq htoq má,
gyai myhâng shoq,
wàq toq é hui Sû nghut ri.
10 Haû Yhûmsîng Garai lé chyitdàp é bang gi,
agè ashop hkyô lé a nguì kut kó sháng gàq;
hkâsu mù gâ le, Yhang gi,
Yhang lé jujúm bâng é chyungxe lé,
ùpzúng byi mù,
agè ashop bâng é lòq mai,
yhángmòq lé hkyi yu é nghut ri.
11 Maubó gi, díngmán bâng é ahtoq má,
dùq bó byî nyì mù,
gabú hkyô gi, i‑myìt díng bâng é myìt hkaû má, jòq nyi ri.
12 Díngmán bang ê, núngmòq gi,
Yhûmsîng Garaî má,
gabú byam chyu mù,
Yhâng é chyoiyúng myîng lé,
hkya-on keq.