Modehkai Hkìkhkam É Hkyô
10
Hkóhkâm Ahasuru gi,
hkóséng mîngdán mau mai wuimau yàm jé shoq má nyi é bang lé hkán hkyui ri.
2 Modehkai é hpungwup a-tsâm èq kut é múzó bànshoq lé le,
hkóhkam èq shigyaú wàq toq é yhâng é hkìkhkâm hkyô bànshoq lé le,
Medi eq Perisi hkóhkam pê é mhô-myi shindâm laiká bùk pé má kâ to bê a nghut lhí?
3 Yudaq byù Modehkai gi,
Hkóhkâm Ahasuru é a‑ô hpyut ahkáng ayá wó sû nghut mù,
Yudaq byu pé má ahkyàk dik sû nghut luî,
yhâng é Yudaq gu-mang wuì myo myô èq gyai hpautap huî é sû nghut ri.
Hkâsu mù gâ le,
yhang gi,
yhâng é byù myû wui matú nyì ngón yùqyò hkyô kut byi mù,
Yudaq byù lhúnglhâng bâng é matú nguì ngón dang taí byî é yánmai nghut ri.