Esihta Èq Hkóhkâm Hpó Eq Haman Lé Zoshuq Poî Má Ji Yu É Hkyô
5
Ahkuî,
sum nyí nghû râ nyí má,
Esihta gi,
yhâng é hkóhkâm myhí hking lé wùt chûng luî,
hkóhkâm wàpdòq ang ang mâ é hkóhkâm wânghkaû má ê yàp tô ri.
Hkóhkâm gi,
wâng hkúmdong eq díng díng nghut é wàp hkaû mâ é hkóhkâm tángmyhâng má zung tô ri.
2 Hkóhkâm myhí Esihta wânghkaû má yàp tô é lé,
hkóhkâm myàng jáng,
yhang gi,
wú nguî luî,
yhâng é lòq má chung tô é hîng dumbáng lé Esihta chyáng yhûn kat ri.
Haû mù,
Esihta gi,
wang ê luî,
haû hîng dumbáng ahpyo má ê záng ri.
3 Hau htâng,
hkóhkâm gi,
“Hkóhkâm myhí Esihta ê,
nàng haî râ ri lhú?
Haî dúng nau ri lhú?
Ngá é mîngdán rawuí lháng,
nang lé byi râ.”
ga myî ri.
4 Esihta kúm gi,
“Hkóhkâm myìt ngui é nghut le gi,
hkóhkam é matú ngò hen tô é zoshuq poî má,
Haman eq rahá hkû-nyí lé lô râ lé,
ngò ô nau ri.”
ga tû taî ri.
5 Hkóhkâm hpó gi,
“Esihta ji é eq rajung za wó ê râ matú,
Haman lé hân hân ê ji lò keq.”
ga hkunmó hkyô kat ri.
Haû mù luî,
hkóhkâm eq Haman gi,
Esihta hen tô é zoshuq poî má ê bekô nghut ri.
6 Yhángmòq tsibyiq wing shuq nyi é u lé,
hkóhkâm hpó gi,
“Ahkuî,
nàng ô nau é hkyô ngò lé taî kyô wú aq,
nang lé byi râ nghut lhê.
Nang haî dúng nau ri lhú?
Mîngdán rawuí lháng byi râ nghut lhê.”
ga Esihta lé dum myî wú ri.
7 Haû mù luî,
Esihta gi,
“Ngò dúng nau é eq ngò ô nau é hkyô gi,
8 hkóhkam é hí má,
ngò myòqdong wó nyì é nghut jáng,
ngò dûng é hkyô eq ngò ô nau é hkyô lé nang gyo byî râ myìt bo é nghut jáng,
ngò núngmòq matú nàpmá hen to byi râ nghut é zoshuq poî má,
hkóhkâm eq Haman dum lé byi shi kó laq nghû jì nau ri.
Haú hkûn shèq,
hkóhkâm myî é eq rajung za,
ngò ô nau é hkyô lé taî kyo râ nghut lhê.”
ga tû taî ri.
Modehkai Lé Sat Pyám Râ Matú Haman Hpàqchyî Haq Dâ É Hkyô
9 Haú nyí,
Haman gi,
zoshuq poî mai myìt ngón dik é èq htoq lô kôlhang,
hkóhkâm wâng hkúmdong má zung tô é Modehkai gi,
yhâng é hí má toq le a toq,
gyùq hoq hkúnggâ é i‑myìt le a tûn shit é hkyô lé myàng jáng,
Modehkai lé nhikjum mó wú yo bê nghut ri.
10 Nghut kôlhang,
yhang gi,
yhâng é i‑myìt lé dûn zìk pyám mù,
yhûm shut jé lo é hkûn,
buìnùm ji-myi wuì eq yhûmsîng myhí Zeresha lé ji kat ri.
11 Haman gi,
yhang sùtzè wó dik é hkyô,
yùqzo hkâ-myhó yùq wó é hkyô,
hkóhkam èq yhang lé zaugun ayá byî tô é hkyô eq,
hkóhkam é zaugun sûwún wuî eq duìnhâng zoshâng wui htoq má yhang lé lhoqtoq tô é hkyô pé bànshoq lé,
yhángmòq é hî hkun má nghutbun dang taî ri.
12 Haman xoq taî é gi,
“Hau htoq agó,
Hkóhkâm myhí Esihta gi,
yhang hen tô é zoshuq poî má,
góbang ó lé lháng a ji é za,
hkóhkâm eq rahá bo zo râ matú ngo lé baú ji ri.
Nàpmá le hkóhkâm eq rahá bo zo râ matú ji tô ashî.
13 Nghut kôlhang,
hkóhkâm wâng hkúmdong má Yudaq byù Modehkai zung tô é lé ngò rû myang nyì nyì gi,
ahkuî ngò taî laî lo é bànshoq,
ngá é matú hai a-kyû bò râ a nghut.”
gâ ri.
14 Haû mù luî,
yhâng yhûmsîng myhí Zeresha eq buìnùm ji-myi wuì bànshoq bang gi,
“Ngo xê dúng kô myhang é byù lhâng sat zîng ralhum xuq to aq;
Modehkai lé zìng haú má tuî lhâng sat pyám râ matú,
nàpkyó hkóhkâm lé dung aq;
haû jáng,
nàng gi,
gabú é myìt èq hkóhkâm eq rahá zoshuq poî má wó ê râ nghut lhê.”
ga hpàqchyî chôm byî akô.
Haû mù,
Haman gi,
dang haú lé gyô nguì luî,
byù lhâng sat zîng ralhum xuq nhang to bê nghut ri.