9
Isira-elaq byù bànshoq bang lé gi, yhángmòq é byùxik labaû má cháng luî, Isira-elaq hkóhkam pê é laiká ding má kâ hkyô to bê nghut ri. Yudaq byu pé gi, yhángmòq a jujúm kô é yánmai, shúm byû dông Babelon mau má shuî ló é huî akô nghut ri.Yerusalem Wà Mó Byu Pé
2 Sânghi taû lò mù, yhángmòq é maumyî mâ é, yhángmòq é wà pé má lo nyi é bang gi, Isira-elaq byu pé ra-am, hkyangjông pé, Lewiq byu pé eq noqkuq yhûm mâ é duìnhâng zoshâng wuì nghut akô.
3 Yudaq up mai, Ben-yamin up mai, Ehprim koq eq Manase koq mai, Yerusalem wà mó má nyi é bang gi,
4 Amihut é yhang zo yùqzo Uhtai bo ri; Amihut gi, Omri é yhang zo, Omri gi, Imri é yhang zo, Imri gi, Bani é yhang zo, Bani gi, Yudaq é yhang zo Perezi é awùt ashín nghut ri.
5 Shilo byu pé mâ é, yhâng é yùqzo zo-mún Asai-a eq Asai-a é yhang zô pé bo ri.
6 Zera byu pé mâ é, Ye-u-ela bo ri. Haû mù, Yudaq up mâ é byù bànshoq gi, 690 yùq nghut ri.
7 Ben-yamin up mâ é,
Meshulam é yhang zo Salu bo ri; Meshulam gi, Hodawi-a é yhang zo, Hodawi-a gi, Hasenu-a é yhang zo nghut ri.
8 Yeroham é yhang zo Ipne-a le, Mihkri é yhang shu, Uzi é yhang zo Ela le, Ipniya é yhâng shuké, Re-u-ela é yhâng gashu, Shehpati-a é yhang zo Meshulam le bo ri.
9 Ben-yamin up mâ é, yhángmòq é byùxik labaû má cháng luî, nghap tô é byù bànshoq gi, 956 yùq nghut ri. Shí bang bànshoq gi, yhángmòq é yhûmhtu pê é ushuq pé chyat nghut bum akô.
10 Hkyangjông pé mâ é gi,
Yedai-a, Yehoi-arip eq Yahkin pé bo ri;
11 Hiliki-a é yhang zo yùqzo Azari-a le bo ri; Hiliki-a gi, Meshulam é yhang zo, Meshulam gi, Zadok é yhang zo, Zadok gi, Merai-ot é yhang zo, Merai-ot gi, Garai Gasâng é yhûm lé wú gôn é zaugun hpó Ahitup é yhang zo nghut ri.
12 Hau htoq agó, Malikiya é yhâng shuké, Pashura é yhâng gashu, Yeroham é yhang zo Adai-a le, Adi-ela é yhang zo Masai le bo ri; Adi-ela gi, Yazera é yhang zo, Yazera gi, Meshulam é yhang zo, Meshulam gi, Meshilemit é yhang zo, Meshilemit gi, Imera é yhang zo nghut ri.
13 Yhángmòq é yhûmhtu pê é ushuq pé nghut é hkyangjông pé gi, 1760 yùq bo ri. Yhángmòq gi, Garai Gasâng é yhûm má dójaú é múzó é matú a-tsam bo é bang chyat nghut akô.
14 Lewiq byu pé mâ é,
Hashup é yhang zo Shemai-a le bo ri; Hashup gi, Azirikam é yhang zo, Azirikam gi, Merari koq mâ é Hashabi-a é yhang zo nghut ri; 15 Bakbakara, Heresha, Galala eq Matani-a le bo ri; Matani-a gi, Mihka é yhang zo, Mihka gi, Zihkri é yhang zo, Zihkri gi, Asap é yhang zo nghut ri. 16 Shemai-a é yhang zo Obadi-a le bo ri; Shemai-a gi, Galala é yhang zo, Galala gi, Yeduhtun é yhang zo nghut ri; Asa é yhang zo Berehki-a le bo ri; Asa gi, Netohpat byu pê é wà pé má nyi é Elakana é yhang zo nghut ri.
17 Hkum zúng bang gi,
Shalum, Akup, Talamon, Ahiman eq yhángmòq é gu-mang wuì nghut akô; Shalum gi, yhángmòq é zau nghut ri. 18 Yhángmòq gi, ahkuî jé shoq, buìhtoq hkyam mâ é, hkóhkam é hkum lé zúng é bang nghut akô; shí bang gi, Lewiq byu pê é wàp mâ é hkum zúng bang nghut akô. 19 Kora é yhâng shuké, Ebi-asap é yhâng gashu, Kore é yhang zo Shalum eq yhâng é yhûmbyù Kora koq mâ é yhâng é gu-mang hkum zúng bang gi, yhángmòq é îchyí îwâ pé mai haû Yhûmsîng Garai nyi é wàp hkum zúng é wò yù kô é su, zúm hkum pé lé zúng é wò yu bum akô nghut ri. 20 Hí hkûn, Ele-aza é yhang zo Hpinehasa gi, hkum zúng bang lé ùp sû nghut ri; haû Yhûmsîng Garai gi, yhang eq rahá nghut nyi ri. 21 Meshelemi-a é yhang zo Zehkariq gi, zùphpong zúm hkum lé zúng sû nghut ri.
22 Hkum zúng bang dùt râ matú hkyin tô é byù bànshoq gi, 212 yùq nghut ri. Yhángmòq lé gi, yhángmòq é wà pé mâ é byùxik labaû dông kâ tô é nghut lhê. Yhángmòq gi, Dawiq eq myìqhtoi Samu-elaq èq lùm luî, wò byî tô é hui bang nghut akô. 23 Yhángmòq eq yhángmòq é awùt ashín pé gi, sàksé zúm gâ é, haû Yhûmsîng Garaî é yhûm hkum pé lé zúng akô nghut ri. 24 Haû hkum zúng bang gi, buìhtoq, buìwàng, maupyî, mautsûng myî hkyam shut lé zúng akô nghut ri. 25 Yhángmòq é wà pé má nyi é, yhángmòq é gu-mang wuì gi, yhángmòq é wò pé bo gam wùn wàq râ matú, nyhit nyí má radàm dàm lé akô. 26 Nghut kôlhang, Lewiq byù nghut é, hkum zúng zaugun myi yuq gi, Garai Gasâng é yhûm mâ é sùtdò pé eq gótû wàp pé lé zúng nyi é wò wó bang nghut akô. 27 Yhángmòq gi, haû Yhûmsîng Garaî é yhûm lé zúng ra kô é yánmai, myín lé yhûm hau é lhînghkyùq má nyi nyì kômù, nàp wuì yhûm haú lé hpóng râ wò yu tô akô nghut ri.
28 Yhángmòq mâ é ra-am gi, noqkuq yhûm má dójaú é hkûn chung é hkoq zê pé lé wú gôn é bang nghut kômù, hkoq zê pé lé yu htoq yu wang é hkûn nghap wú akô nghut ri. 29 Góbang lé gi, chûngzè pé eq sân-yúng jowò mâ é hkoq zê bànshoq lé le, nú é chînmún, tsibyiq wing, tsanlun xû, namngón shôm eq namngón jung pé lé le, hen lajang râ matú wò byî tô akô nghut ri. 30 Nghut kôlhang, hkyangjông pé ra-am gi, namngón jung nyhô é wò yu akô nghut ri. 31 Kora koq mâ é Shalum é yhang zo yùqzo zo-mún Matahti‑aq gâ é Lewiq byù rayùq nyi ri; yhang gi, haû nhông byi râ mùk lé bung râ wò yù sû nghut ri. 32 Yhángmòq é Kohat koq mâ é gu-mang wuì ra-am gi, mùkgyàp htoq má tô shit to râ mùk lé, Bánno Buìnyì hkangmó hen lajang ra râ nghut lhê.
33 Haú bang gi, mahkôn hkôn bang, Lewiq é yhûmhtu ushuq pé, haû noqkuq yhûm wàp pé má nyì luî, nyí myín yhángmòq é múzó wùn wàq é wò yù kô é yánmai, gótû múzó a bo kut kó nghut ri.
34 Shí bang bànshoq gi, yhángmòq é byùxik labaû má cháng luî, kâ tô é Lewiq yhûmhtu pê é ushuq pé eq zaugun wuì nghut akô. Yhángmòq gi, Yerusalem wà mó má nyi nyi akô nghut ri.
Sholuq É Byùxik Labaû Pé
35 Gibe-on wà má Gibe-on é yhâng wa Yi-ela nyi ri. Yhâng é yhûmsîng myhî é myìng gi, Mahka gâ ri; 36 yhâng é yùqzo zo-mún gi, Apdon nghut ri; Apdon é yhang gû pé gi, Zura, Kisha, Balaq, Nera, Nadap, 37 Gedora, Ahi-o, Zehkariq eq Miklot pé nghut akô. 38 Miklot gi, Shime-am é yhâng wa nghut ri. Yhángmòq le, Yerusalem wà mó má nyi é yhángmòq é buìnùm wuì eq chyâng é má nyi bum akô nghut ri.
39 Nera gi, Kisha lé hkû, Kisha gi, Sholuq lé hkû, Sholuq gi, Yonahtan, Malihkishu-a, Abinadap eq Eshi Balaq pé lé hku é nghut ri. 40 Yonahtan é yhang zo yùqzo gi, Merip Balaq nghut ri; yhang gi, Mihka é yhâng wa nghut ri. 41 Mihka é yhang zo yùqzô pé gi, Pihton, Melek, Tare-a eq Ahaza pé nghut akô. 42 Ahaza gi, Yadaa lé hkû, Yada gi, Alemet, Azimawet eq Zimri pé lé hku é nghut ri; Zimri gi, Moza lé hku ri. 43 Moza gi, Bine-a lé hku ri; Bine-a é yhang zo gi, Rehpai-a, Rehpai-a é yhang zo gi, Ele-asa, Ele-asa é yhang zo gi, Azela nghut ri.
44 Azela gi, yùqzo hkyuq yùq wó é nghut mù, haú nhiktâng wui é myìng gi, Azirikam, Bohkeru, Ishima-elaq, Sheri-a, Obadi-a eq Hanan pé nghut akô. Shí bang gi, Azela é yhang zo yùqzô pé nghut akô.