Isira-elaq É Yùqzô Pé
2
Isira-elaq é yhang zo yùqzô pé gi, Rubin, Sime-on, Lewiq, Yudaq, Yisahka, Zebulun, 2 Dan, Yosep, Ben-yamin, Naphtali, Gat eq Asheri pé nghut akô.Yudaq Mai
Heziron É Yhang Zo Yùqzô Pé Jé Shoq
3 Yudaq é yhang zo yùqzô pé gi, Era, Onan eq Shela pé nghut akô. Shí nhiktâng wuì sum yuq gi, yhâng é matú, Hkanan myhí Shu-a é yhang zô èq hku é zo wuî nghut ri. Yudaq é yhang zo yùqzo lagám Era gi, haû Yhûmsîng Garaî é hí má agè ashop é sû nghut mù, haû Yhûmsîng Garaî èq yhang lé sat pyám bê nghut ri. 4 Yudaq é yhâng dùmó Tamari gi, yhâng é matú, Perezi eq Zera lé hku ri. Yudaq é yhang zo yùqzô pé bànshoq gi, ngo yuq nghut ri.
5 Perezi é yhang zô nhik gi, Heziron eq Hamula nhiktâng nghut akô. 6 Zera é yhang zo yùqzô pé gi, Zimri, Ehtan, Heman, Hkalahkola eq Dara pé nghut akô; bànshoq gi, ngo yuq nghut ri. 7 Hkarimi é yhang zo yùqzo gi, Ahkaraa nghut ri; yhang gi, haû lhoqhtên pyám râ é zè lé hkau zô é nghut mù, Isira-elaq a-myû lé wuîhke jamjau lhoqhtoq byi sû nghut ri.
8 Ehtan é yhang zo yùqzo gi, Azari-a nghut ri.
9 Heziron hku é yhang zo yùqzô pé gi, Yeramela, Ram eq Hkalepb pé nghut akô.
Heziron É Yhang Zo Ram Mai Nyi Gyó Lo É Bang
10 Ram gi, Aminadap lé hkû; Aminadap gi, Yudaq byu pê é zau, Nashon lé hku ri. 11 Nashon gi, Salamun lé hkû; Salamun gi, Bu-aq lé hkû; 12 Bu-aq gi, Obet lé hkû; Obet gi, Yese lé hku é nghut ri.
13 Yese gi, yhâng é zo-mún, Eli-ap lé hkû mù, í yùq nghû râ má Abinadap lé hkû, sum yuq nghû râ má Shime-a lé hkû, 14 myi yuq nghû râ má Nehtanela lé hkû, ngo yuq nghû râ má Radai lé hkû, 15 hkyuq yùq nghû râ má Ozem lé hkû, nyhit yùq nghû râ má Dawiq lé hku ri. 16 Haú bâng é nhammó nhik gi, Zerui-a eq Abigela nghut ri. Zerui-a é yhang zo yùqzo sum yuq gi, Abishai, Yo-ap eq Asahela pé nghut akô. 17 Abigela gi, Amasa lé hku ri; Amasa é yhâng wa gi, Ishima-elaq a-myû mâ é Yehtera nghut ri.
Heziron É Yhang Zo Hkalep
18 Heziron é yhang zo Hkalep gi, yhâng é yhûmsîng myhí Azuba mai byìzo Yeri-ot eq yùqzô pé Yeshera, Shobap eq Aridon pé lé hku ri. 19 Azuba shi byùq jáng, Hkalep gi, Ehprat lé yu é nghut mù, Hura lé hku ri. 20 Hura gi, Uri lé hkû; Uri gi, Bezalela lé hku ri.
21 Htâng má, Heziron gi, chyungxe zànwut hkyuq xê zàn bò bê le, Gile-at é yhâng wa Mahkira é yhang zo byìzô chyáng wàng mù, yhang lé yù luî, yhang gi, Seguba lé hku ri. 22 Seguba gi, Ya-ira lé hku ri; haú yùq gi, Gile-at mau mâ é wà í xe sum wâ lé ùp é nghut ri. 23 (Nghut kôlhang, Geshuri eq Aram nhik gi, Kenat eq hau é awui ayàm mâ é wà pé hkyuq xê wà lé le, Ya-ira é wà pé lé le lú sing yu pyám bekô nghut ri.) Haú bang bànshoq gi, Gile-at é yhâng wa Mahkira é awùt ashín pé nghut akô. 24 Heziron gi, Hkalep Ehprahta má shi byùq é htâng, Heziron é yhâng yhûmsîng myhí Abiya gi, Teko-a é yhâng wa Ashihura lé hku ri.
Heziron É Yhang Zo Yeramela
25 Heziron é yhang zo yùqzo zo-mún Yeramela é yhang zo yùqzô pé gi, yùqzo lagám Ram eq yhang gû pé Buna, Oren, Ozem, Ahiya pé nghut akô. 26 Yeramela gi, Atara gâ é myiwe góyùq lé yù mù, myiwe haû gi, Onam lé hku ri. 27 Yeramela é yùqzo lagám Ram é yhang zo yùqzô pé gi, Maza, Yamin eq Ekera pé nghut akô. 28 Onam é yhang zo yùqzô nhik gi, Shamai eq Yada nhiktâng nghut akô. Shamai é yhang zo yùqzô nhik gi, Nadap eq Abishura nhiktâng nghut akô.
29 Abishura é yhûmsîng myhî é myìng gi, Abihaila gâ ri; yhang gi, Aban eq Molit nhiktâng lé hku ri. 30 Nadap é yhang zo yùqzô nhik gi, Selet eq Apa-im nhiktâng nghut akô. Selet gi, zodù a dàp é shi ló byùq bê nghut ri. 31 Apa-im é yhang zo yùqzo gi, Ishi nghut ri; yhang gi, Sheshan lé hku ri; Sheshan gi, Alai lé hku é nghut ri.
32 Shamai é yhang gu Yada é yhang zo yùqzô nhik gi, Yehtera eq Yonahtan nhiktâng nghut akô. Yehtera gi, zodù a dàp é shi ló byùq bê nghut ri. 33 Yonahtan é yhang zo yùqzô nhik gi, Pelet eq Zaza nhiktâng nghut akô. Shí bang gi, Yeramela é awùt ashín pé nghut akô.
34 Sheshan gi, yùqzo a wó, byìzô pé za wó é nghut ri. Yhang gi, Yara gâ é Egutuq byù duìnhâng zoshâng rayùq wó ri. 35 Sheshan gi, yhâng é duìnhâng zoshâng Yara lé yhang zo byìzo byi tsô é nghut mù, byìzo haû gi, Atai lé hku é nghut ri. 36 Atai gi, Nahtan lé hkû; Nahtan gi, Zabat lé hkû; 37 Zabat gi, Ehpila lé hkû; Ehpila gi, Obet lé hkû; 38 Obet gi, Yehu lé hkû; Yehu gi, Azari-a lé hkû; 39 Azari-a gi, Heleza lé hkû; Heleza gi, Ele-asa lé hkû; 40 Ele-asa gi, Sisamai lé hkû; Sisamai gi, Shalum lé hkû; 41 Shalum gi, Yekami-a lé hkû; Yekami-a gi, Elishama lé hku é nghut ri.
Hkalep É A-myû Koq Pé
42 Yeramela é yhang gu Hkalep é yhang zo yùqzô pé gi, yhâng é zo-mún, Zihpa é yhâng wa Mesha eq, Hebron é yhâng wa Maresha nghut ri. 43 Hebron é yhang zo yùqzô pé gi, Kora, Tapu-a, Rekem eq Shema pé nghut akô. 44 Shema gi, Raham lé hkû; Raham gi, Yorikam lé hku é nghut ri. Rekem gi, Shamai lé hku é nghut ri. 45 Shamai é yhang zo yùqzo gi, Ma-on nghut luî, Ma-on gi, Bet Zura lé hku é nghut ri.
46 Hkalep é myi-ngê Ehpa gi, Haran, Moza eq Gazeza pé lé hku ri. Haran gi, Gazeza lé hku é nghut ri.
47 Yadai é yhang zo yùqzô pé gi, Regem, Yohtam, Geshan, Pelet, Ehpa eq Shahpa pé nghut akô.
48 Hkalep é myi-ngê Mahka gi, Shebera eq Tirihana nhiktâng lé hku ri. 49 Hau htoq agó, yhang gi, Madimana é yhâng wa Shahpa lé le, Makbena eq Gibe-a nhik é yhâng wa Shewa lé le, hku é nghut ri. Hkalep é yhang zo byìzo gi, Aksa ga sû nghut ri. 50 Shí bang gi, Hkalep é awùt ashín pé nghut akô.
Ehprahta é yhang zo zo-mún Hura é yhang zo yùqzô pé gi, Kiri-at Yarim wà xuq sû Shobala, 51 Betlehem wà xuq sû Salima eq, Bet Gadera wà xuq sû Harep pé nghut akô.
52 Kiri-at Yarim wà xuq sû Shobala é awùt ashín pé gi, Haro-e gâ é Manahat má nyì bang rawuí gû eq, 53 Kiri-at Yarim wà má nyi é a-myû koq pé nghut é, Ihtari byu pé, Puhti byu pé, Shumahti byu pé eq Mishirai byu pé nghut akô; haú bang mai, Zorahti byu pé eq Eshita-ola byu pé nyi htoq lo é nghut ri.
54 Salima é awùt ashín pé gi, Betlehem wà má nyì bang, Netohpat byu pé, Manahat byù rawuí gû nghut é Zori byu pé eq Atirot Bet Yo-ap pé nghut mù, 55 haû Yabeza wà má nyi é laiká kâ é a-myû koq pé gi, Tirahti byu pé, Shimehti byu pé eq Suhkahti byu pé nghut akô. Shí bang gi, Rehkap yhûmhtu pê é yhâng wa, Hamat mai nyi gyó lo é Keni byu pé nghut akô.