Yudaq Up Lé Maumyî Gàm Byî É Hkyô
15
Yudaq up é matú, yhángmòq é akoq má cháng mù, hkyîn shosé shê luî, gam hkoq byî é maumyî gi, maupyî shut Edom maukyo nghut é, maumyî ló htâng é jang má jòq é Zin yòso jé shoq nghut ri. 2 Maupyî maukyo gi, Xô nhong é maupyî ló htâng é mai hî luî, 3 maupyî Akrabima bùm jé, haû mai Zin yòso jé, haû mai Kadesha Barine-a é maupyî jé, haû mai Heziron jé, haû mai Adara dòq je, haû mai Karika wà shut goí wang ló luî, 4 Azimon mai laî byìt ló mù, Egutuq ming mâ é Wuìlàng má ló jé luî, Medihteri-an Wuimau má ló htum bê nghut ri. Haû gi, yhángmòq é maupyî maukyo nghut ri.5 Buìhtoq hkyam maukyo gi, Yodan làng lo yui htâng é mai Xo nhông bànshoq nghut ri.
Mautsûng maukyo gi, Xo nhông um, haû Yodan làng lo yui htâng é jowò mai hî luî, 6 Bet Hogala má dòq jé ló mù, Bet Araba é mautsûng shut xoq e ló luî, Rubin é yhang zo Bohan é masàt Lùq zìng jé shoq, 7 haû mai, Ahkora langhkaû mai Debira jé shoq dòq ló, haû mai, jangdîng pá mâ é maupyî shut jòq é Adumim hké tû-tap mâ é Giligala wà nghut é mautsûng shut lhing wang ló mù, En Shemesha wuì hkyo xoq cháng luî, En Rogela jowò má ló jé ròt, 8 haû mai, Yebusi byu pé nyi é Yerusalem wà mó mâ é maupyî bùm hkêshón cháng luî, Hinom Zo gâ é Langhkaû shut dòq ló, haû mai, Rehpim Langhkaû ló htâng é mautsûng má jòq é Hinom Langhkau é buìwàng hkyam bùm gùng jé shoq dòq ló luî, 9 bùm gùng maukyo haû mai Nehpito-a wuìbúm shut gyó ló mù, Ehprun bùm mâ é wà mó pé má jé ròt luî, Kiri-at Yarim le gâ é Balaq shut gyó jé ló, 10 haû mai, buìwàng hkyam má goí wang ló mù, Se-ira bùm má ló jé luî, Hkesalon le gâ é Ye-arim bum é mautsûng hkêshón shut châng gyó ló, haû mai, Bet Shemesha wà mó má gyó jé jáng, Timna wà mó lé laî byìt luî, 11 Ekron wa é mautsûng hkêshón má ló jé mù, Shikeron wà mó shut goí wâng luî, Balaq bùm cháng jáng, Yapnela wà mó má ló jé é nghut luî, maukyo gi, wuimau má ló htum bê nghut ri.
12 Buìwàng hkyam maukyo gi, Medihteri-an Wuimau ginkúm cháng luî nghut ri.
Maukyo haú pé gi, Yudaq byu pê é akoq má cháng luî nyi é maukyo pé nghut ri.
13 Haû Yhûmsîng Garai, Yoshuq lé hkunmó hkyô tô é eq rajung za, Yoshuq gi, Yehpuna é yhang zo Hkalep lé, gàmbùm ralhum dông, Yudaq mau mâ é Hebron le gâ é Kiri-at Araba wà gàm byî ri. (Araba gi, Anak é îchyí îwa nghut ri.) 14 Hkalep gi, Anak é awùt ashín pé nghut é, Sheshai, Ahiman eq Talamai koq pé lé, Hebron mai hkat htoq pyâm ri. 15 Hau htâng, yhang gi, Kiri-at Sehpera ga myhîng laî lo é Debira wà mó má nyi é byu pé lé majan ê zân ri. 16 Haú hkûn, Hkalep gi, “Kiri-at Sehpera wà mó lé ê wó zân ûng sû lé, ngá é byìzo Aksa byi tso râ nghut lhê.” ga taî ri. 17 Haû mù, Hkalep é yhang gu, Kenaza é yhang zo Otni-ela gi, wà mó haú lé ê wó zân ûng bê nghut mù, Hkalep gi, Otni-ela lé, yhâng é byìzo Aksa byi tso bê nghut ri.
18 Ra-nyí lé, Aksa gi, Otni-ela chyáng lé mù, yhâng wâ chyáng yò rahkyang dúng nhang ri. Yhang gi, yhâng é loze mai gyó é hkûn, yhâng wa Hkalep gi, yhang lé, “Nàng haî o ri lhú?” ga myî ri.
19 Yhang gi, “Ngo lé jeju chyûnghuq rajung byi laq. Nàng gi, ngo lé, Maupyî Mau mâ é maumyî lé lháng byi bê nghut é yánmai, wuìbúm pé lé le, byi shilaq.” ga tû taî ri. Haû mù, Hkalep gi, yhâng é byìzo lé ahtoq wuìbúm eq a-ô wuìbúm pé lé byi bê nghut ri.
20 Yudaq up akoq má cháng luî, wó yu é silî wunlî maumyî gi, a‑ô mâ é eq rajung za nghut ri.
21 Edom maukyo eq chyâng lhûm é, ló htâng é Maupyî Mau má nyi é Yudaq up é wà mó pé gi, Kapzela, Edera, Yagura 22 Kina, Dimona, Adada, 23 Kedesha, Hazora, Itnan 24 Zihpa, Telem, Be-alot, 25 Hazora Hadata, Hazora le gâ lé Keri-ot Heziron, 26 Amam, Shema, Molada, 27 Hazara Gada, Heshimon, Bet Pelet, 28 Hazara Shu-ala, Berasheba, Bizi-oti-aq, 29 Bala, Iyim, Ezem, 30 Elatolat, Hkesila, Horama, 31 Ziklak, Madimana, Sansana, 32 Leba-ot, Shilahim, Ayin eq Rimon nghut mù, bànshoq gi, í xe gau wâ eq yhángmòq é wà pé nghut ri.
33 Buìwàng hkyam bùmhkyî pá pé mâ é wà mó pé gi, Eshita-ola, Zora, Ashina, 34 Zano-a, En Gannim, Tapu-a, Enam, 35 Yarimut, Adulam, Sohko, Azeka, 36 Sharim, Adihtim, Gedera, a nghut jáng, Gederohtim gâ é pé nghut mù, wà mó raxe myi wâ eq yhángmòq é wà pé nghut ri.
37 Hau htoq agó, Zenan, Hadasa, Migadala Gat, 38 Dile-an, Mizipa, Yokhtela, 39 Lahkisha, Bozakat, Egilon, 40 Kabon, Lamam, Hkitlisha, 41 Gederot, Bet Dagon, Nama eq Makeda wà mó pé raxe hkyuq wâ eq yhángmòq é wà pé nghut ri.
42 Lipna, Ehtera, Ashan, 43 Ihpata, Ashina, Nezep, 44 Kila, Akzip, Maresha wà mó pé gau wâ eq yhángmòq é wà pé nghut ri.
45 Ekron eq hau é awui ayàm má nyi é bang eq wà pé; 46 Ekron é buìwàng hkyam wuimau jé shoq, Ashidot wà mó eq chyâng é wà mó pé eq, awui ayàm mâ é yhángmòq é wà pé bànshoq, 47 Ashidot eq hau é awui ayàm má nyi é bang eq wà pé; Gaza wà mó eq haú má nyi é bang eq wà pé; Medihteri-an Wuimau ginkúm eq Egutuq ming mâ é Wuìlàng jé shoq nghut ri.
48 Bum mau mâ é wà mó pé gi, Shamira, Yatira, Sohko, 49 Dana, Debira le gâ é Kiri-at Sanna, 50 Anap, Eshitemo, A-nim, 51 Goshen, Holon, Gilo wà mó pé raxe rawà eq yhángmòq é wà pé nghut ri.
52 Hau htoq agó, Araba, Duma, Eshan, 53 Yanim, Bet Tapu-a, Ahpeka, 54 Humta, Hebron le gâ é Kiri-at Araba eq Zi-ora wà mó pé gau wâ eq yhángmòq é wà pé nghut ri.
55 Hau htoq agó, Ma-on, Hkarimela, Zihpa, Yuta, 56 Yezirela, Yokdam, Zano-a, 57 Ka-in, Gibe-a, Timna wà mó pé raxê wà eq yhángmòq é wà pé nghut ri.
58 Hau htoq agó, Hahula, Bet Zura, Gedora, 59 Marat, Bet Anot, Elatekon wà mó pé hkyuq wâ eq yhángmòq é wà pé nghut ri.
60 Hau htoq agó, Kiri-at Yarim le gâ é Kiri-at Balaq eq Raba wà mó pé í wâ eq yhángmòq é wà pé nghut ri.
61 Yòso mâ é wà mó pé gi, Bet Araba, Midin, Sehkahka, 62 Nepshan, Xo Wà mó eq En Gedi wà mó pé hkyuq wâ eq yhángmòq é wà pé nghut ri.
63 Yudaq byu pé gi, Yerusalem wà mó má nyi é Yebusi byu pé lé a wó hkat htoq pyám kô nghut ri. Haû mù, Yebusi byu pé gi, hkû-nyí jé shoq, Yerusalem wà mó má Yudaq byu pé eq rahá nyi nyi akô nghut ri.