Mosheq Wó Zân Ung É Hkóhkâm Myìng Pé
12
Isira-elaq byu pé gi, Yodan làng buìhtoq hkyam mâ é hkóhkâm í yùq lé sat pyám mù, haú nhik é maumyî lé wó sing yu laî lò bekô nghut ri; maumyî haú pé gi, Arinon langhkaû mai Herimon bùm jé shoq le, Yodan làng buìhtoq hkyam nghut é Araba jangdîng pá pé bànshoq le nghut ri.2 Haú nhik mâ é rayùq gi, Heshibon wà mó má zùng é Amori hkóhkâm Sihon ga sû nghut ri; yhang gi, Gile-at mau rawuí gû nghut é, Arinon langhkaû yàm má jòq é Aro-era wà mó lé le, haû langhkaû agùng mai, Ammon byu pê é maukyo nghut é Yabok làng jé shoq lé le ùp ri. 3 Hau htoq agó, yhang gi, buìhtoq hkyam Araba mâ é Hkineret nhông mai, Araba Nhông le gâ é Xo Nhông je shoq le, haû mai Bet Yeshimot wà mó jé shoq nghut mù, maupyî mâ é Pisiga bùmhkyî jé shoq le up ashî nghut ri.
4 Dum rayùq gi, Ashatarot wà mó eq Ediri wà mó má zùng sû, Rehpim byù myû mâ é ló htâng é yùq Bashan hkóhkâm Oga nghut ri.
5 Yhang gi, Herimon bùm, Saleka mau mai Bashan mau gón, Geshuri eq Mahkahti byu pê é maukyo jé shoq, Gile-at mau rawuí gû mai Heshibon mâ é hkóhkâm Sihon é maukyo jé shoq ùp ri.
6 Hkóhkâm haû í yùq lé gi, Yhûmsîng Garaî é duìnhâng zoshâng Mosheq eq Isira-elaq byu pé mai wó zân ung yù bê nghut mù, haû Yhûmsîng Garaî é duìnhâng zoshâng Mosheq gi, hkóhkâm haú nhik é maumyî lé, Rubin up, Gat up eq Manase koq rahkyam gu é matú, muì maumyî dông byî pyám bê nghut ri.
Yoshuq Wó Zân Ung Yu É Hkóhkâm Pé
7 Yoshuq eq Isira-elaq byu pé gi, Yodan làng buìwàng hkyam shut mâ é, Lebanon langhkaû má jòq é Balaq Gat wà mó mai, Se-ira bùm shut dòq ló é hkyô má jòq é Halak bùm jé shoq mâ é hkóhkâm pé lé zân ung yù bekô nghut ri. Yoshuq gi, Isira-elaq up pé mai, maumyî haú lé sing yù râ matú, yhángmòq lé tsing gàm byî ri. 8 Maumyî haú pé gi, bum mau pé, buìwàng hkyam shut mâ é bùmhkyî pá pé, Araba, bùm hkêshón pé, yòso eq Maupyî Mau pé nghut ri. Maumyî haú pé má nyi é byù myû wuì gi, Hiti, Amori, Hkanan, Perizi, Hiwi eq Yebusi pé nghut akô. 9 Yhángmòq wó zân ung yu é hkóhkâm pé gi, Yerihko hkóhkâm, Behtela nàm mâ é Ai hkóhkâm, 10 Yerusalem hkóhkâm, Hebron hkóhkâm, 11 Yarimut hkóhkâm, Lahkisha hkóhkâm, 12 Egilon hkóhkâm, Gezera hkóhkâm, 13 Debira hkóhkâm, Gadera hkóhkâm, 14 Horama hkóhkâm, Arat hkóhkâm, 15 Lipna hkóhkâm, Adulam hkóhkâm, 16 Makeda hkóhkâm, Behtela hkóhkâm, 17 Tapu-a hkóhkâm, Hehpera hkóhkâm, 18 Ahpek hkóhkâm, Lasharon hkóhkâm, 19 Madon hkóhkâm, Hazora hkóhkâm, 20 Shimron Meron hkóhkâm, Ahkashap hkóhkâm, 21 Tanak hkóhkâm, Megido hkóhkâm, 22 Kedesha hkóhkâm, Hkarimela bùm mâ é Yoknam hkóhkâm, 23 Dora wuì yàm mâ é Dora hkóhkâm, Giligala mâ é Go-im hkóhkâm, 24 Tiriza hkóhkâm pé nghut mù, bànshoq gi, súm xe rayùq nghut ri.