Í Dam Dàm Myìng Jihpán Gùq É Hkyô
26
Wúm haû woî byùq é htâng, haû Yhûmsîng Garai gi, Mosheq eq hkyangjong Arun é yhang zo Ele-aza lé, 2 “Isira-elaq byù hpúng gón mâ é yhûmhtu má cháng mù, chyungxe zànwut í xê zàn lai luî, Isira-elaq gyè hpúng má gyè wó bo zan bê é bang bànshoq lé myìng jihpán gùq keq.” ga taî ri. 3 Haû mù, Yerihko wà tû-tap, Yodan làng yàm mâ é Moba pá má, Mosheq eq hkyangjong Ele-aza gi, yhángmòq lé, 4 “Haû Yhûmsîng Garai mai Mosheq lé taî é eq rajung za, chyungxe zànwut í xê zàn lai bê é bang lé myìng jihpán gùq keq.” ga taî ri.Egutuq ming mai htoq lo é Isira-elaq byu pé gi, a-ô mâ é eq rajung za nghut ri.
5 Isira-elaq é zo-mún Rubin é awùt ashín pé gi, Hanok mai nyi gyó lo é Hanok koq; Hpalu mai nyi gyó lo é Hpalu koq; 6 Heziron mai nyi gyó lo é Heziron koq; Hkarimi mai nyi gyó lo é Hkarimi koq nghut ri. 7 Shí bang gi, Rubin é a-myû koq pé nghut mù, byù du bànshoq 43730 yùq bo ri.
8 Hpalu é yhang zo gi, Eli-ap; 9 Eli-ap é yhang zô pé gi, Nemu-ela, Dahtan eq Abiram pé nghut akô. Dahtan eq Abiram shí nhiktâng gi, haû Yhûmsîng Garai lé, Kora é htâng cháng bang gumlau toq é hkûn bo lom é htoq agó, Mosheq eq Arun lé gumlau toq é, shiwa byù hpúng bâng é zaugun sûwún nhik le nghut akô. 10 Yháng nhiktâng gi, Kora é htâng cháng bang 250 yùq lé myî èq nyhê sat luî, sidìq byi alhô agàn dùt é hkûn, myìdàm nhut hâ lò mù, Kora eq rahá myui pyám huî é má lom kô é su nhik nghut ri. 11 Nghut kôle, Kora é zodù wuì kúm gi, a bo shi lòm kó nghut ri.
12 Sime-on é awùt ashín mâ é, yhángmòq é a-myû koq pé gi, Nemu-ela mai nyi gyó lo é Nemu-ela koq; Yamin mai nyi gyó lo é Yamin koq; Yahkin mai nyi gyó lo é Yahkin koq; 13 Zera mai nyi gyó lo é Zera koq; Sha-ula mai nyi gyó lo é Sha-ula koq nghut ri. 14 Shí bang gi, Sime-on é a-myû koq pé nghut mù, byù du bànshoq 22200 yùq nghut ri.
15 Gat é awùt ashín pé mâ é, yhángmòq é a-myû koq pé gi, Zehpon mai nyi gyó lo é Zehpon koq; Hagi mai nyi gyó lo é Hagi koq; Shuni mai nyi gyó lo é Shuni koq; 16 Ozini mai nyi gyó lo é Ozini koq; Eri mai nyi gyó lo é Eri koq; 17 Arodi mai nyi gyó lo é Arodi koq; Areli mai nyi gyó lo é Areli koq nghut ri. 18 Shí bang gi, Gat é a-myû koq pé nghut mù, byù du bànshoq 40500 yùq nghut ri.
19 Yudaq é yhang zô nhik gi, Era eq Onan nghut ri; nghut kôle, yháng nhiktâng gi, Hkanan mau má shi byùq bekô nghut ri. 20 Yudaq é awùt ashín mâ é, yhángmòq é gótû a-myû koq pé gi, Shela mai nyi gyó lo é Shela koq; Perezi mai nyi gyó lo é Perezi koq; Zera mai nyi gyó lo é Zera koq nghut ri. 21 Perezi é awùt ashín pé gi, Heziron mai nyi gyó lo é Heziron koq; Hamula mai nyi gyó lo é Hamula koq nghut ri. 22 Shí bang gi, Yudaq a-myû koq pé nghut mù, byù du bànshoq 76500 yùq nghut ri.
23 Yisahka é awùt ashín mâ é, yhángmòq é a-myû koq pé gi, Tola mai nyi gyó lo é Tola koq; Hpu-a mai nyi gyó lo é Hpu-a koq; 24 Yashup mai nyi gyó lo é Yashup koq; Shimron mai nyi gyó lo é Shimron koq nghut ri. 25 Shí bang gi, Yisahka é a-myû koq pé nghut mù, byù du bànshoq 64300 yùq nghut ri.
26 Zebulun é awùt ashín mâ é, yhángmòq é a-myû koq pé gi, Seret mai nyi gyó lo é Seret koq; Elon mai nyi gyó lo é Elon koq; Yelela mai nyi gyó lo é Yelela koq nghut ri. 27 Shí bang gi, Zebulun é a-myû koq pé nghut mù, byù du bànshoq 60500 yùq nghut ri.
28 Yosep é awùt ashín mâ é, yhángmòq é a-myû koq pé gi, Manase eq Ehprim mai nyi gyó lo é bang nghut ri.
29 Manase é awùt ashín pé gi, Mahkira mai nyi gyó lo é Mahkira koq nghut ri; Mahkira gi, Gile-at é yhâng wa nghut ri. Gile-at mai nyi gyó lo é Gile-at koq nghut ri. 30 Gile-at é awùt ashín pé gi, Izera mai nyi gyó lo é Izera koq; Helek mai nyi gyó lo é Helek koq; 31 Asiri-ela mai nyi gyó lo é Asiri-ela koq; Shehkem mai nyi gyó lo é Shehkem koq; 32 Shemida mai nyi gyó lo é Shemida koq; Hehpera mai nyi gyó lo é Hehpera koq nghut ri. 33 (Hehpera é yhang zo Zelohpehat gi, yùqzo a wó, byìzô pé za wó é nghut mù, haú bâng é myìng gi, Mala, No-aq, Hogala, Milihka eq Tiriza pé nghut akô.) 34 Shí bang gi, Manase é a-myû koq nghut mù, byù du bànshoq 52700 yùq nghut ri.
35 Ehprim é awùt ashín mâ é, yhángmòq é a-myû koq pé gi, Shuhtela mai nyi gyó lo é Shuhtela koq; Behkara mai nyi gyó lo é Behkara koq; Tahan mai nyi gyó lo é Tahan koq nghut ri. 36 Shuhtela é awùt ashín pé gi, Eran mai nyi gyó lo é Eran koq nghut ri. 37 Shí bang gi, Ehprim é a-myû koq pé nghut mù, byù du bànshoq 32500 yùq nghut ri.
Shí bang gi, Yosep é awùt ashín mâ é, yhángmòq é a-myû koq pé nghut ri.
38 Ben-yamin é awùt ashín mâ é, yhángmòq é a-myû koq pé gi, Bela mai nyi gyó lo é Bela koq; Ashibela mai nyi gyó lo é Ashibela koq; Ahiram mai nyi gyó lo é Ahiram koq; 39 Shuhpama mai nyi gyó lo é Shuhpam koq; Huhpam mai nyi gyó lo é Huhpam koq nghut ri. 40 Bela é yhang zô nhik Arida eq Naman é awùt ashín pé gi, Arida mai nyi gyó lo é Arida koq; Naman mai nyi gyó lo é Naman koq nghut ri. 41 Shí bang gi, Ben-yamin é a-myû koq pé nghut mù, byù du bànshoq 45600 yùq nghut ri.
42 Dan é awùt ashín mâ é, yhángmòq é a-myû koq gi, Shuham mai nyi gyó lo é Shuham koq nghut ri. Haû gi, Dan é a-myû koq nghut ri. 43 Yhángmòq bànshoq bang gi, Shuham koq pé chyat nghut mù, byù du bànshoq 64400 yùq nghut ri.
44 Asheri é awùt ashín mâ é, yhángmòq é a-myû koq pé gi, Imna mai nyi gyó lo é Imna koq; Ishiwi mai nyi gyó lo é Ishiwi koq; Beri-a mai nyi gyó lo é Beri-a koq nghut ri. 45 Beri-a é awùt ashín mâ é bang gi, Hebera mai nyi gyó lo é Hebera koq; Malihkela mai nyi gyó lo é Malihkela koq nghut ri. 46 (Asheri gi, Sera gâ é byìzo rayùq wó ri.) 47 Shí bang gi, Asheri é a-myû koq pé nghut mù, byù du bànshoq 53400 yùq nghut ri.
48 Naphtali é awùt ashín mâ é, yhángmòq é a-myû koq pé gi, Yazela mai nyi gyó lo é Yazela koq; Gu-ni mai nyi gyó lo é Gu-ni koq; 49 Yezera mai nyi gyó lo é Yezera koq; Shilem mai nyi gyó lo é Shilem koq pé nghut ri. 50 Shí bang gi, Naphtali é a-myû koq pé nghut mù, byù du bànshoq 45400 yùq nghut ri.
51 Haû mù, Isira-elaq é yhang zo yhang shû pê é byù du lhúnglháng gi, 601730 yùq nghut ri.
52 Haû Yhûmsîng Garai gi, Mosheq lé, 53 “Myìng jihpán má cháng luî, maumyî haú lé, silî wunlî dông yhángmòq lé tsing gàm byi ra râ nghut lhê. 54 Byù myo jáng gi, myô é dông, shau jáng gi, shaû é dông gàm byi mù, up hkangmó lé, jihpán má bo é myìng má cháng luî, silî wunlî maumyî lé gàm byi ra râ nghut lhê. 55 Nghut kôle, maumyî haú lé hkyîn shosé shê luî, gàm byi ra râ nghut lhê. Îchyí îwâ pê é a-myû up myìng má cháng luî, silî wunlî maumyî lé hàp yù râ nghut lhê. 56 Hkyîn shosé she é eq rajung za, byù myo a myo má cháng luî, silî wunlî maumyî lé gàm ra râ nghut lhê.” ga taî ri.
57 Lewiq byu pé lé nghap é yhángmòq é a-myû koq pé gi, Gerishon mai nyi gyó lo é Garishon koq; Kohat mai nyi gyó lo é Kohat koq; Merari mai nyi gyó lo é Merari koq nghut ri. 58 A-ô mâ é bang le Lewiq a-myû koq pé nghut ri; Lipni koq, Hebron koq, Mali koq, Mushi koq Kora koq nghut ri. (Kohat gi, Amram é yhâng wa nghut ri; 59 Amram é yhang myî é myìng gi, Egutuq ming má Lewiq byu pê chyáng hku é Lewiq byìzo, Yohkebet ga sû nghut ri. Yhang gi, Amram lé, Arun, Mosheq eq yhâng nhá Miri-am pé hkû byî ri. 60 Arun gi, Nadap, Abihu, Ele-aza eq Ihtama pê é yhâng wa nghut ri. 61 Nghut kôlhang, Nadap eq Abihu nhik gi, haû Yhûmsîng Garai lé târâ a wang é myi nhông byi kô é hkûn shi byùq bekô nghut ri.)
62 Lewiq byu pé mâ é lha-mó rahkyap lai bê é yùqzo bànshoq gi, byù du 23000 yùq nghut ri. Yhángmòq gi, Isira-elaq byu pê chyáng silî wunlî maumyî a bo myang hkam yù kô é yánmai, gótû Isira-elaq byu pê chyáng nghap lhôm é a hui nghut ri.
63 Shí bang gi, Yerihko wà tû-tap, Yodan làng yàm mâ é Moba pá má, Mosheq eq hkyangjong Ele-aza mai jihpán gùq é Isira-elaq byu pé nghut akô. 64 Haú bang má, Mosheq eq hkyangjong Arun mai Sinaq Yòso má jihpán gùq yu é bang rayùq lháng a bò nghut ri. 65 Hkâsu mù gâ le, haû Yhûmsîng Garai gi, Yehpuna é yhang zo Hkalep eq Nun é yhang zo Yoshuq mai lai luî, Isira-elaq byù haú bang rayùq lháng a myìt to loshoq yòso má teng za shi byùq kôrâ nghut lhê ga taî to gù bê nghut ri.