Myi Nyhé Hkungga Gyàp
27
Nàng gi, htángmó sik hkungga gyàp le saí ra râ nghut lhê; hkungga gyàp haû gi, myhâng hpyang sum dúng bò mù, hîng hpyang ngo dúng, làm hpyang ngo dúng kut luî, a-pyî a-tsûng rawuí wuí za bò râ dùt lhê. 2 Hau é myi chyûn má hkyuî le saî tap to ra râ nghut lhê; haú hkûn, hkungga gyàp eq hkyuî pé gi, ralhum za dùt byùq râ nghut lhê. Nàng, haú lé gyî èq shup to ra râ nghut lhê. 3 Haú má chûng râ zè nghut é, myiwap gòt pyám râ au pé, gòt zè pé, hkoq mó pé, akó mâ é sho htau dun pé eq myi hpan pé bànshoq lé, gyî èq chyat saí ra râ nghut lhê. 4 Nàng gi, haú má chyoî râ matú, dong dông é gyi zuî long mó saí mù, hau é ahtoq mâ é myi chyûn hkangmó má gyi góng ralhum lhum saî tap ra râ nghut lhê. 5 Gyi zuî long haú lé, hkungga gyàp é rawuí gû wang ló shoq, hkungga gyàp é ahkaû shut kat to ra râ nghut lhê. 6 Hkungga gyàp é matú htángmó sik yang saí mù, haú pé má gyi shup to ra râ nghut lhê. 7 Sik yang lé gi, hkungga gyàp lé wàq râ matú, hkungga gyàp é í shut mâ é gyi góng pé má chyoi to ra râ nghut lhê. 8 Hkungga gyàp lé gi, ahkaû má hóng hóng kut luî, sik lông èq saí ra râ nghut lhê. Haû gi, nang lé bùm má tûn shit é eq rajung za saí ra râ nghut lhê.Wâng Hkaû Eq Sêng É Hkyô
9 Sàksé zúm é matú wânghkaû le nàng saí ra râ nghut lhê. Wâng hau é maupyî hkyam shut gi, rashô dúng hîng mù, hau é matú, wáng dui tô é nú nhâm é jîhkying èq wòq é pán-gyang lé le, 10 zìng í xê hkat lé le, gyi hkoq í xê hkyap lé le, ngùn gòknghe pé eq zìng má pyî râ sik yang pé lé le saí ra râ nghut lhê. 11 Haû eq rajung za, mautsûng hkyam shut é matú le, rashô dúng hing é pán-gyang, zìng í xê hkat, gyi hkoq í xê hkyap, ngùn gòknghe pé eq zìng má pyî râ sik yang pé lé saí ra râ nghut lhê.
12 Wâng hau é buìwàng hkyam shut é matú gi, ngo xê dúng lam é pán-gyang, zìng raxê hkat eq hkoq raxê hkyap saí ra râ nghut lhê. 13 Wâng hau é buìhtoq hkyam shut le, ngo xê dúng làm ra râ nghut lhê. 14 Haû wâng hkûm é rahkyam shut gi, raxe ngo dúng hing é pán-gyang, zìng sum hkat eq hkoq sum hkyap ra râ nghut lhê; 15 góhkyam shut le, raxe ngo dúng hing é pán-gyang, zìng sum hkat eq hkoq sum hkyap ra râ nghut lhê.
16 Wâng hkûm é matú gi, rago dàt wòq dàt htaû é byu èq, mauhkûng nyuì nyui é, mê é eq zam zam ne é hkying eq wáng dui tô é nú nhâm é jihkyîng lé wòq tô é pán-gyang í xê dúng, zìng myi hkat eq hkoq myi hkyap ra râ nghut lhê. 17 Wâng lhînghkyùq má xuq tô é zìng bànshoq má, ngùn shup tô é sik yang a-pyî dông tap to luî, ngùn góng pé eq gòknghe pé lhâng to mù, gyi hkoq pé kat to ra râ nghut lhê. 18 Wâng haû gi, hîng hpyang rashô dúng, làm hpyang ngo xê dúng bò mù, wáng dui tô é nú nhâm é jîhkying èq wòq tô é pán-gyang ngo dúng myhâng luî, gyi hkoq pé bò ra râ nghut lhê. 19 Haû sàksé zúm má dójaú é hkûn chûng râ zè pé bànshoq le, zúm mâ é sangchyam pé eq wânghkaû mâ é sangchyam pé le, gyî èq chyat saí ra râ nghut lhê.
Myi-kok Xû Eq Sêng É Hkyô
20 Haû Isira-elaq byu pé lé, myi-kok pé ru wó jâng dùq nyì sháng gàq, haú pé má kat râ, tsanlun shi mai pyik htoq yu é jèt é xû, náng chyáng yu lé lô kôrâ matú hkunmó hkyó aq. 21 Haû zùphpong zúm hkaû, dangshikaq târâ kat tô é sàksé dò lé kyo tô é pán-gyang shinggan má, Arun eq yhang zô pé gi, haû Yhûmsîng Garaî é hí má, myín mai htang nàpkyó jé shoq myi-kok pé dùq nyì nhâng ra râ nghut lhê. Haû gi, jé lô râ Isira-elaq yhang zo yhang shû pé pyàt bán hkangmó é matú, ru joq nyî râ târâ wàng hkunmó nghut lhê.