Kakꞌeꞌ len kakꞌajsbil tetz Ryos
150
1 Cyakꞌeꞌuꞌ chikꞌajsbiluꞌ tetz Kajcaw.Cyakꞌeꞌuꞌ chikꞌajsbiluꞌ tetz Ryos xe yi tetz caꞌl.
Cyakꞌeꞌuꞌ chikꞌajsbiluꞌ tetz iꞌ, na at wiꞌnin tetz kꞌej.
2 Cyakꞌeꞌuꞌ chikꞌajsbiluꞌ tetz, na tan yi tetz porer ja bnix wiꞌnin eꞌchk takleꞌn balaj.
Cyakꞌeꞌuꞌ chikꞌajsbiluꞌ tetz, na quinin bajsbeꞌn tetz yi tetz kꞌej.
3 Cyakꞌeꞌuꞌ chikꞌajsbiluꞌ tetz tan eꞌchk tucꞌ chiw.
Cyakꞌeꞌuꞌ chikꞌajsbiluꞌ tetz tan eꞌchk arpa tu salterio.a
4 Cyakꞌeꞌuꞌ chikꞌajsbiluꞌ tetz tan eꞌchk pandero, nin chibixinkuꞌ tan takꞌleꞌn kꞌej iꞌ.
Cyakꞌeꞌuꞌ chikꞌajsbiluꞌ tetz tan eꞌchk chirimiy tu eꞌchk maꞌcl yi at wutz.
5 Cyakꞌeꞌuꞌ chikꞌajsbiluꞌ tetz tan eꞌchk platillo yi na tzlincan.
6 Na cyakil yi eꞌ yi itzꞌ eꞌ, tajweꞌn tan cyakꞌol chikꞌajsbil tetz Kajcaw.
Kakꞌeꞌ bin kakꞌajsbil tetz Kajcaw.