Chumbalaj nin yi junit na ban yi kajtzaꞌkl
133
1 Eꞌuꞌ kajwutz quibit tzajuꞌ, kaleꞌn nin skꞌil yi na kamol cuꞌn kib, nin yi junit na ban yi kajtzaꞌkl.2 Na choꞌn cunin taneꞌn chi taneꞌn yi cꞌoꞌcal yi perfum yi na jeꞌ kojij xoꞌl chiwiꞌ yi eꞌ wiꞌtz paleꞌ, yi na acꞌ yi chixmatziꞌ, nin yi na cupon te kul beꞌch cyetz.
3 Niꞌcuꞌn yi jun lokꞌ ibaꞌtz chi yi kꞌab cheꞌw yi na cuꞌ tibaj yi wiꞌwtz Hermón.
Na yi na el aꞌ, na xon xoꞌlak xtzeꞌ.
Na txaꞌxax cyakil eꞌchk juꞌwtz cwent Sión taꞌn.
Ej nin yaꞌstzun yi amaꞌl kale na takꞌwit Ryos yi banl talmaꞌ.
Nin yaꞌstzun yi amaꞌl kale na beneꞌt ẍkon chitiemp yi eꞌ balaj nak yi at lokꞌ ib scyuchꞌ.