Choꞌn kawutznin te Kataj tan jaleꞌn yi tajweꞌn sketz
123
1 Wajcaw, choꞌn inwutznin teꞌjuꞌ, yi iluꞌ teruꞌ yi choꞌn najlijuꞌ tcyaꞌj.2 Choꞌn na inwutznin teꞌjuꞌ, chi na ban jun mos yi na wutz quen te yi patrón tan jaleꞌn yi tajweꞌn tetz. Nin choꞌn na inwutznin teꞌjuꞌ chi na ban jun xun aj csinuꞌ yi na oc yi xnaꞌn yi patrón iꞌ tan jatxleꞌn nin yi waꞌ.
3 Elk bin kꞌajabuꞌ skeꞌj Kajcaw. Elk kꞌajabuꞌ skeꞌj. Na chin il nin atoꞌ cuꞌnt ẍchikꞌab yi eꞌ ric.
4 Nimix cunin yolbil ketz ja icyꞌpon kaꞌn, na yi eꞌ ricaꞌtz scyuchꞌ yi eꞌ yi na cyocsaj quib nim tu chimeꞌbiꞌl, na chitzan tan telseꞌn kakꞌej, nin tan kajisleꞌn.