Yi eꞌ xonl Esaú
36
1 Cyakil yi biꞌajeꞌj eꞌ cuꞌn najal Esaú. Yi Esaú-aꞌtz nchaꞌtz na biꞌaj Edom. 2 Cob scyeri eꞌ txkel Esaú eꞌ aj Canaán,a na nin cyokꞌbej quib tu Ada, yi meꞌl Elón, yi xonl Het nin tu Aholibama, yi meꞌl yaj Aná. Yi Aholibama-aꞌtz iꞌ mamaj Zibeón yi heveo. 3 Nchaꞌtz cyokꞌbej quib Esaú tu yi meꞌl Ismael, yi na biꞌaj Basemat, yi tanub Nebaiot. 4 Yi xoneꞌn tiemp itzꞌij jun tal Ada yi xicy yi na biꞌaj Elifaz. Ej nin itzꞌij junt teꞌj Basemat yi na biꞌaj Reuel. 5 Ma teꞌj Aholibama eꞌ itzꞌij cobox cyꞌajl Esaú yi na chibiꞌaj: Jeús, Jalaam tu Coré. Cyakil yi eꞌ xicyaꞌtz eꞌ cuꞌn cyꞌajl Esaú yi eꞌ jal nicyꞌ yi najlij tzaj Canaán.6 Itzun bantz nintzun ben Esaú joylaj tan najeweꞌn. Nin eꞌ baj nin tcyꞌal cyakil yi eꞌ najal scyuchꞌ yi eꞌ tetz mos. Nchaꞌtz eꞌ ben tcyꞌal cyakil yi eꞌ tawun tu cyakil yi meꞌbiꞌl yi nsken jal. Choꞌn tzun toponeꞌn joylaj tan jatxol tib tu Jacow yi titzꞌun na chin latzꞌluj nin yi luwar kale najlcheꞌt. 7 Ej nin tan paj yi wiꞌnin cyawun quiꞌt na xcyeꞌ yi chꞌim yi at swutz luwar tetz chiwaꞌ. 8 Chaꞌstzun te yi beneꞌn Esaú, nka Edom, joylaj, tan najeweꞌn jalen wiꞌwtz Seir.
9 Ma jaluꞌ cyakil yi eꞌchk biꞌajeꞌj eꞌ cuꞌn xonl Esaú yi chimamaj yi eꞌ aj Edom yi najlcheꞌ wiꞌwtz Seir. 10 Je chibiꞌ yi eꞌ cyꞌajl Esaú yi eꞌ jal: Elifaz yi tal Ada, Reuel yi tal Basemat. 11 Ma yi eꞌ nitxajil Elifazaꞌtz, yi bajx cyꞌajl Esaú, iꞌtz: Temán, Omar, Zefo, Gatam tu Cenaz. Yaꞌstzun yi eꞌ mamaj Ada tu Esaú. 12 Poro nchaꞌtz at jun caꞌp txkel Elifaz taneꞌn, yi na biꞌaj Timna, nin jal junt cyꞌajl iꞌ teꞌj, yi na biꞌaj Amalec.
13 Ma yi eꞌ nitxajil Reuel yi eꞌ jal iꞌtz: Nahat, Zera, Sama tu Miza. Yaꞌstzun yi eꞌ mamaj Basemat tu Esaú. 14 Nchaꞌtz eꞌ jal cobox cyꞌajl Esaú tu Aholibama yi meꞌl Aná, nin yi mamaj Zibeón. Ej nin yi chibiꞌ yi eꞌ cyꞌajlaꞌtz iꞌtz: Jeús, Jaalam, tu Coré.
15 Ma yi eꞌ ajcaw squibaj yi eꞌ xonl Esaú yi eꞌ jal teꞌj txkel Elifaz iꞌtz: Temán, Omar, Zefo, Cenaz, 16 Coré, Gatam tu Amalec. Yaꞌstzun yi eꞌ ajcaw squibaj yi eꞌ xonl Elifaz, yi bajx cyꞌajl Esaú tu Ada, yi choꞌn najlcheꞌ Edom. 17 Ma yi eꞌ ajcaw squibaj yi eꞌ xonl Esaú yi eꞌ jal teꞌj txkel Reuel iꞌtz: Nahat, Zera, Sama tu Miza.
18 Ma yi eꞌ ajcaw bantz squibaj yi eꞌ chixonl yi eꞌ tal Aholibama yi meꞌl Aná iꞌtz: Jeús, Jaalam tu Coré. 19 Cyakil yi eꞌ biꞌajaꞌtz yi ja wiꞌt kil eꞌ len cuꞌn xonl Esaú, yi nchaꞌtz na biꞌaj Edom. Eꞌ len cuꞌn ajcaw squibaj chixonl.
20 Ma chibiꞌ yi eꞌ cyꞌajl Seir yi aj Hor, yi najlcheꞌ tul yi jun amaꞌlaꞌtz iꞌtz: Lotán, Sobal, Zibeón, Aná, 21 Disón, Ezer tu Disán. Yaꞌstzun yi eꞌ yi eꞌ cawun squibaj yi eꞌ aj Hor. Eꞌ cuꞌn xonl Seir yi choꞌn najlcheꞌ swutz yi luwar yi na biꞌaj Edom. 22 Ma yi eꞌ cyꞌajl Lotán iꞌtz: Hori tu Heman. Ma yi Timna yaꞌstzun yi tanub Lotán. 23 Ma yi eꞌ cyꞌajl Sobal iꞌtz: Alván Manahat, Ebal, Sefo tu Onam. 24 Ma yi eꞌ cyꞌajl Zibeón iꞌtz: Aja tu Aná. Yi Aná-aꞌtz yaꞌstzun yi jun yi nojpon te yi jun tal aꞌ tul yi amaꞌl yi tzꞌinunin tuꞌ, te yi na tzan tan chipstoreꞌn yi eꞌ buruꞌ yi taj. 25 Nchaꞌtz yi Aná jal jun cyꞌajl yi na biꞌaj Disón. Nin jal jun xun yi na biꞌaj Aholibama. 26 Ma yi eꞌ cyꞌajl Disón yi eꞌ jal iꞌtz: Hemdán, Esbán, Itrán tu Querán. 27 Ma yi eꞌ cyꞌajl Ezer iꞌtz: Bilhán, Zaaván tu Acán. 28 Ma yi eꞌ cyꞌajl Disán bantz iꞌtz: Uz tu Arán.
29 Itzun yi eꞌ ajcaw bantz squibaj yi eꞌ aj Hor iꞌtz: Lotán, Sobal, Zibeón tu Aná, 30 Disón, Ezer tu Disán. Yaꞌstzun yi eꞌ baj cawun len squibaj yi eꞌ aj Hor. Eꞌ baj cawun lentz squibaj yi chixonl le jun amaꞌlaꞌtz yi na biꞌaj Seir.
31 I bin jaluꞌ je chibiꞌ yi eꞌ rey, yi eꞌ cawun le luwar Edom yi ntaxk jal chireyil yi eꞌ xonl Israel. 32 Bela, yi cyꞌajl Beor ja cawun squibaj yi eꞌ aj Edom. Ej nin yi biꞌ yi tnum kale najleꞌt iꞌtz Dinaba. 33 Yi quimeꞌn Bela nin oc cyen Jobab yi cyꞌajl Zera tetz xel. Choꞌn najlij iꞌ le tnum Bosra. 34 Yi quimeꞌn Jobab, oc cyen Husam yi aj Temán tetz xel. 35 Ma yi quimeꞌn Husam nin oc cyen Hadad yi cyꞌajl Bedad tetz xel. Ja chixcyeꞌ yi eꞌ sanlar iꞌ scyeꞌj eꞌ sanlar cwent Madián jalen le amaꞌl Moab. Ej nin yi tanum iꞌ iꞌtz Avit. 36 Ma yi quimeꞌn Hadad nin oc cyen Samla yi aj Masreca. 37 Ma yi quimeꞌn Samla nin oc cyen Saúl yi aj Rehobot, yi tnum yi at stziꞌ aꞌ. 38 Ma yi quimeꞌn Saúl, nin oc cyen Baal-hanán yi cyꞌajl Acbor tetz xel tan cawun. 39 Ma yi quimeꞌn Baahanán, nin oc cyen Hadad yi aj Pau, tetz xel. Nin yi biꞌ yi txkel Hadad iꞌtz Mehetabel yi meꞌl Matred, yi mamaj Mezaab.
40 Je chibiꞌ yi eꞌ ajcaw squibaj yi jujun kꞌuꞌj xonl Esaú: Timna, Alva, Jetet, 41 Aholibama, Ela, Pinón, 42 Cenaz, Temán, Mibzar, 43 Magdiel tu Iram. Yaꞌstzun yi eꞌ yi eꞌ cawun squibaj yi jujun kꞌuꞌj xonl Edom. Eꞌ cawun lakak chitanum kale eꞌ najeweꞌt. Nin yi Edomaꞌtz yaꞌstzun junt biꞌ Esaú yi cyꞌajl Isaac.