Tsiq eeq 126
"Hevq kovq lavq yaoq" dai, hal nail geeqlaoq hal daoq
1 Heeqphaq Miqyail-i mail
Yeiqlulsaqlaiq meenq-ai gaoq bhi
doevq jaq lal lavq-a nail neq
nv juq bhai nv mav mav nail khe-ai dul ail nial.
2 Aq-u phao
nv juq lavqkhiq tsail nail lavqkhoel nee
daoqsel gul khi hel sil-a nail ngaol.
Yu nail jeq-e jaq-a juq iqsanl
"Heeqphaq Miqyail neq
aqyu juq nail haqbhoil
eeq nail ganl nl bhiq-a nail ngaol" dai
ge-a nail ngaol.
3 Heeqphaq Miqyail neq
maldil nv juq nail haqbhoil eeq nail ganl
nl lavq-a nail ngel-i mail
nv juq lavqkhiq tsail dee dee-a nail ngaol.
4 Heeqphaq Miqyail-ol
maoq-aol nail ulcuvq-i mail
gee lee del deel Nil geiq laoljaol bhai
ulcuvq gaoq bhi bhee lal-a nail khe-ai
nv juq bhai teevq pov
gaoq bhi doevq jaq lal lavq yaoq.
5 Maiv bhil dov dov ail
aq iq haiq-a nail juq bhai
lavqkhiq teevq tsail
gaoq bhi gaiq kovq lavq-a nail ngaol.
6 Maiv bhil dov dov ail
aq iq phil-aivq-a nail juq neq
heeq laoq gaoq maiq juq phi khi
lavqkhiq tsail tsail ail
daoqsel gul nail lavqkhoel nee
phi khi kovq lal nail ngaol.