Tsiq eeq 125
Heeqphaq Miqyail neq, aivq nail tsaol-aq juq nail doeq daq duq pevq nail ngaol
1 Heeqphaq Miqyail bhai
neema thaq tsaol nail juq neq
nqmaq maqluv halyeel ivq nail
Yeel ovq gaoqjaoq khe-ai dul nail ngaol.
2 Gaoqjaoq juq
Yeiqlulsaqlaiq meenq bhai
jiav jaoq-ai thaq nail khe-ai
Heeqphaq Miqyail iqsanl
yanqgaol nee danq khi
nqmaq maqluv halyeel
aivq nail tsaol-aq juq bhai
hel daiq phail nail ngaol.
3 Haq eiv nail tsaol-aq juq neq
tsaq nail daol nail tsaol-aq juq nail milkhaoq bhai
khaq mao iqsanl ya uv thaiq nail
maq ngel ail.
Ya uv thaiq lao haq neq
tsaq nail daol nail tsaol-aq juq
haqeiv nail phaq nl lal ail jao-aq.
4 Heeqphaq Miqyail-ol
daol coev dai doevq nail tsaol-aq juq khi
tsaol-aq aqmeeq juq bhai
aqmeeq phaq nl bhiq yaoq.
5 Thail hai ngaol-aoq
Heeqphaq Miqyail
haqeiv nail phaq nl nail juq bhai
theq ha bhiq-u phao
gail bheeq hevq bheeq-a nail juq bhai iqsanl
theq ha bhiq nail ngaol.
Ilsaqleiqlav nail jeq-e jaq-a juq neq
nee sal ovq nail phaq ya dei-eiq.