Tsiq eeq 124
Heeqphaq Miqyail aivq nail tsaol-aq juq bhai hel daiq phail nail gaq ngaol
Gail khaol tsao-u phao, gul nail daoqsel. Daq bhil nail daoqsel
1 Mal dil Heeqphaq Miqyail
ngadao juq jaol nail phao
maq jaol ail nul-uq neq, khal hai khi heeq.
Ilsaqleiqlav nail tsaol-aq juq-ol
ge kovq lavq yaoq.
2 Ngadao juq bhai neejiav jiav nail juq
genl dev lal-u phao
Heeqphaq Miqyail ngadao juq jaol nail phao
maq jaol lao-aol kheel nul-uq neq
3 aqyu juq neema phail dee dee nail lavqkhoel
ngadao juq bhai
aqdoevq moevq bhoel lavq nail ngaol.
4 Ngadao juq neq
ulcuvq-i mail bhi daq khal-aivq khi
bhi deq pheeq nail juq khe-ai dul nail ngaol.
5 Al ovqtavq
eel khaol kav dee dee nail laoljaol bhai
ga nevq ail-a nail juq khe-ai iqsanl dul nail ngaol.
6 Heeqphaq Miqyail bhai tsiq eeq yaoq.
Khul khi mail dai ngal-aq neq
neejiav jiav nail juq-i mail
keivq heivq jaq nail bhai maq bhi daq lavq-al.
7 Ngadao juq neq
lavq phee nee jel ail-a nail keivq-avq khe-ai
sil nail phaq nee jel ail-a nail ngaol.
Lavq phee cov ail khi
ngadao juq jel ail-a nail ngaol.
8 Ngadao juq bhai
tsao jao-ai lavq-a nail phaq neq
Heeqphaq Miqyail jaol nail nee dov lee nail ngaol.
Aivq neq
nqtavq khi mail miltsaq bhai teivq-a nail ngaol.