Tsiq eeq 127
Heeqphaq Miqyail meeq nail ganl bhai tsiq eeq nail
1 Heeqphaq Miqyail
ilkhaol maq cov haq neq
ilkhaol cov nail juq-i mail nl-a hal-a nail neq
khul nail ganl maq tsoiq ail.
Heeqphaq Miqyail meenq bhai
maq lovq phail lavq haq neq
meenq khe ilkhaol daqmoe bhai
lovq nail juq neq, khul nail ganl maq tsoiq ail.
2 Aqyu juq
aqdoevq doevq kivq nail haqbhoil
nqhao navq mav-ail thul khi
nqkivq kivq lee-u kev dai
gaqdoil doil doil ail ganl nl khi ngaol-aoq
khul nail ganl maq tsoiq ail.
Khul khi mail dai ngal-aq
Heeqphaq Miqyail neq
aivq gaiq-a nail gaq iq thaiq thail thaiq-u nee mail
khal loq nail yaoq phaq yaoq-ao nee bivq nail ngaol.
3 Yaqmiq yaqyov juq neq
Heeqphaq Miqyail-i mail
bivq lavq-a nail kovpavq pevq nail ngaol.
Aqyu juq neq, maldil geeqlaoq pevq nail ngaol.
4 Aqkovq maq jiav lal mail
ya-a nail yaqmiq yaqyov juq neq
genl dev nail tsaol-aq nail
aqlavq lavqkhoel bhai
nieivq thaiq-ai thaq nail
heeqnav maq tsoe khe-ai dul nail ngaol.
5 Al heel nail heeqnav maq tsoe
mao dai jiav nail juq neq
geeqlaoq eeq nail ngaol.
Aqyu juq bhai neejiav jiav nail juq nee
yalkhaq dal duq bhai ya jaol-u phao
maq ya haq sil ail.