Tsiq eeq 120
"Tsao jao-ai lavq yaoq" dai, hal nail geeqlaoq hal daoq
1 Ngal haq nail aoq nail phaq kev lee-u phao
Heeqphaq Miqyail bhai gul khi
aivq iqsanl ge kovq lavq nail ngaol.
2 Heeqphaq Miqyail-ol
ngaq bhai goiqbhaoq bhaoq nail juq nee maqkhaiq
ge jaq ge daol nail juq nee maqkhaiq
hevq kovq lavq yaoq.
3 Goiq bhaoq bhaoq nail tsaol-aq juq-ol
nul juq bhai aivq khal hai nl kovq lavq nail bhai
heeq kivq naol laiq.
Nul juq bhai
yalkhaq khal hai dal lavq nail bhai iqsanl
heeq kivq naol laiq.
4 Genl dev nail juq nail
tav dee dee nail
heeqnav maq tsoe-i mail maqkhaiq
nel tsaiq dai tovq thail thaiq nail
miqjiiv-i mail maqkhaiq
nl kovq lavq nail ngaol.
5 Ngal neq, Meiq sail milkhaoq bhai jaol khi
Keiqdaq tsaol-aq juq nee jaol nail neq
geeqlaoq aqdoil jiav nail ngaol.
6 Ngal neq
nee sal ovq nail phaq bhai bhe nail
al juq nee jaol-a nail
maoq jel lal-aoq nail ngaol.
7 Ngal neq, nee sal ovq nail ganl ge-u phao
aqyu juq neq, genl dev nail ganl ge nail ngaol.