Tsiq eeq 101
Heeqphaq nail daoqma saljial
1 Heeqphaq Miqyail-ol, ngal neq
naoq-i mail gaoq haq goil gaiq-a nail phaq khi
tsaq nail daol nail phaq bhai
daoqsel gul nail ngaol.
Naoq nail sivtavq bhai daoqsel gul khi
tsiq eeq nail ngaol.
2 Ngal oeqbal thaq duq maq jiav dai
yaol phaol khi doevq nail ngaol.
Naol khaq mao ngal jaol nail bha
yavq kha lee nail-aiq.
Ngal neq, ngaq nail ilkhaol lavqkhoel bhai
aqhaol haol dai doevq jaol-a nail ngaol.
3 Maq meeq maq jaq nail phaq bhai
ngal khaq mao iqsanl maq hel daiq ail.
Gail khaol gail bheeq bheeq
ail-a nail juq nail ganl bhai iqsanl bhe khi
aqyu juq nee, khul maq tavq.
4 Ngal neq, tsaq nail daol nail phaq bhai
lav pov lav phal nail juq nee khul maq tavq.
Haq eiv nail phaq nail aqjail bhai maq jaol ail.
5 Il khaiq tavq nail juq nail seiqleiq khaoqsail bhai
aq tsi tsu dai, lav cov nail juq bhai
ngal bhi naq lai nail ngaol.
Neema eeq nail heel nail juq
bhai iqsanl maq ol bhiq ail.
6 Ngal neq, milkhaoq niil khaoq khe
saljial ivq nail tsaol-aq bhai hal pov khi
ngaq-ai nee bhi jaol lal nail ngaol.
Oeqbal thaq duq maq jiav nail juq bhai taivq-ail
ngaq nail ganl bhi nl nail ngaol.
7 Goiq bhaoq bhaoq nail tsaol-aq juq neq
ngaq nail ilkhaol bhai maq ya jaol ail.
Aqmeeq maq ngel nail bhai
aqmeeq tavq nail tsaol-aq juq iqsanl
ngaq nail sivtavq bhai maq ya jaol ail.
8 Nv juq nail milkhaoq lavqkhoel khe
jaol nail haqeiv nail tsaol-aq juq bhai
ngal yaoq n yaoq n nee lav cov khi
aqyu juq iqsanl bhai
Heeqphaq Miqyail nail meenq nee the ha nail ngaol.