Tsiq eeq 100
Tsiq eeq nail daoqsel
1 Miltsaq yaq juq iqsanl mail
Heeqphaq Miqyail bhai lavqkhiq tsail khi gul yaoq.
2 Heeqphaq Miqyail bhai
lavqkhiq teevq tsail uqhuq thaoq yaoq.
Lavq khiq tsail nail daoqsel juq gul khi
aivq nail sivtavq bhai aol lai yaoq.
3 Heeqphaq Miqyail neq
Miqyail pevq nail ngaol dai, heeq kivq yaoq.
Aivq neq, ngadao juq bhai
teivq lavq-a nail gaq pevq khi
ngadao juq neq
aivq nail tsaol-aq juq pevq nail ngaol.
Aivq-i mail hel daiq phail lavq nail
yaol juq khe-ai iqsanl dul nail ngaol.
4 Tsiq eeq tsiq eeq ail
uqhuq thaoq nail ilkhaol nail
lolgov bhai aol lai yaoq.
Tsiq eeq tsiq heel khi
khainl lavqkhoel bhai aol lai yaoq.
Aivq bhai geeqlaoq bhiq khi
aivq nail aqmil bhai tsiq eeq yaoq.
5 Khul khi mail dai ngal-aq
Heeqphaq Miqyail neq, meeq nail ngaol.
Aivq-i mail gaoq haq goil gaiq-a nail phaq neq
nqmaq maqluv halyeel ivq khi
saljial ivq nail phaq iqsanl
teevq yeel nee teevq yeel ivq nail ngaol.