Tsiq eeq 93
Heeqphaq Miqyail uv thaiq nail ganl
1 Heeqphaq Miqyail uv thaiq nail ngaol.
Aivq neq, seiqleiq khaoqsail bhai
phailkhaoq doi nail khe-ai, doi-nq thaq khi
bhaqaoq bhai, jiovqpavq pavq nail khe-ai
pavq-nvq thaq nail ngaol.
Aivq neq, miltsaq bhai ivq dao dai
tsiq tsaq-ai thaq khi, maq dao lal nia ail.
2 Heeqphaq Miqyail-ol
naoq nail joiq jaq doiqbev bev ma neq
iqmoeq-u nee mail ivq khi
naol neq, yanq yaq lao maq bhao lal-u nee mail
jaol nail ngaol.
3 Heeqphaq Miqyail-ol, eel jeq jeq lee khi
ulcuvq aqthel kav lal nail nee ovqtavq
eel khaol thaoq nail ngaol.
4 Thail hai ngaol-aoq
nqtavq kovtavq bha jaol nail
Heeqphaq Miqyail neq
ulcuvq nail aqthel khi eel khaol juq nee maq tsil
bhaqaoq eeq jaiq nail ngaol.
5 Heeqphaq Miqyail-ol
naoq-i mail cavq bhiq cov bhiq nail phaq neq
khaq mao iqsanl ivq khi
naoq nail uqhuq thaoq nail
ilkhaol il ma khaq mao iqsanl
meeq nail haol nail ngaol.