Tsiqeeq 70

Tsiq eeq 70

"Lav tsail mail tsao jao-ai lavq yaoq" dai, hal nail geeqlaoq hal daoq

Daoqsel gul nail juq nail aqivq gaq bhai bhi heeq nia nail galduq: Thaoq hal nail ganl nee tavq lai khi gul nail daoqsel. Daq bhil nail daoqsel.

1 Miqyail-ol

ngaq bhai hevq kovq lavq yaoq.

Heeqphaq Miqyail-ol

lavqtsail mail lee khi

ngaq bhai tsao jao-ai lavq yaoq.

2 Ngaq bhai heivq nail dai

lai jai nail juq suq saq khi ya haq sil dei-eiq.

Ngaq bhai bhi cov ail movq nail juq neq

seiqleiq khaoqsail maq jiav dai

ya kovq ail dei-eiq.

3 Ngaq bhai meel naq lal nail juq neq

seiqleiq khaoqsail maq jiav nail bhaq da nee

ya haq sil khi bhi kovq ail dei-eiq.

4 Thail hai ngaol-aoq

naoq bhai hal pov nail tsaol-aq juq neq

naoq nail lavqkhoel bhai lavqkhiq bhi tsail dei-eiq.

Naoq nail hevq kovq nail phaq bhai gaiq-a nail juq

"Miqyail neq eeq naol heel naol" dai

maq ceiv lai dai, gul dei-eiq.

5 Ngal neq

maq jiav lovq nail nee ovqtavq, haq ail nial.

Miqyail-ol

ngal jaol nail bha lavqtsail mail lee yaoq.

Naol neq, ngaq bhai hevq kovq nail gaq khi

tsao jao-ai lavq nail gaq pevq nail ngaol.

Heeqphaq Miqyail-ol, lavqtsail mail lee kha yaoq.