Tsiq eeq 67
Jeq-e jaq-a iqsanl mail Miqyail bhai bhi tsiq eeq dei-eiq
1 Miqyail ngadao bhai gaoq haq gaiq-a khi
geeqlaoq bivq lavq dei-eiq.
Naoq nail maivphaoq nail aqbhaq bhai
bhi moel lavq dei-eiq.
2 Al bhaq da nee
tsaol-aq yaq juq iqsanl mail
naol neema tsaq nail phaq bhai heeq nia khi
jeq-e jaq-a iqsanl mail
naoq-i mail hevq kovq nail phaq bhai
heeq nia dei-eiq.
3 Miqyail-ol
jeq-e jaq-a juq naoq bhai tsiq eeq dei-eiq.
Jeq-e jaq-a juq iqsanl mail
naoq bhai tsiq eeq dei-eiq.
4 Jeq-e jaq-a iqsanl bhai
naol daol coev dai, yalkhaq dal khi
miltsaq-ai khal jaol nail juq iqsanl bhai
naol gailkhaol hevq daiq bhiq nail ngel-i mail
jeq-e jaq-a iqsanl mail
lavqkhiq tsail nail daoqsel gul dei-eiq.
5 Miqyail-ol
jeq-e jaq-a juq naoq bhai tsiq eeq dei-eiq.
Jeq-e jaq-a juq iqsanl mail
naoq bhai tsiq eeq dei-eiq.
6 Miltsaq nee heeqlaoq gaoqjal
bhi dov lal nail ngaol.
Ngadao nail Miqyail ngadao bhai
geeqlaoq bivq lavq-a nail ngaol.
7 Miqyail ngadao bhai
geeqlaoq gaoq bivq lavq dei-eiq.
Nq jail mil jail bha kev dai
jaol nail tsaol-aq iqsanl mail
aivq bhai gee sil khi ev nail ngaol.