Tsiq eeq 61
Miqyail neq, ivq dee dee nail tsaoq uvq duq pevq nail ngaol
1 Miqyail-ol
ngal gul nail bhai nal daiq lavq yaoq.
Ngaq nail geeqlaoq hal daoq bhai
nal daiq lavq yaoq.
2 Ngal neema cov dee dee nail lavqkhoel nee
nq jail mil jail bha jaol khi
naoq bhai khul nail ngaol.
Ngaq bhai ivq dao deel lovphail-ai
hel-aivq lavq yaoq.
3 Khul khi mail dai ngal-aq
naol neq, ngaq nail juq duq ngaol.
Nee jiav jiav nail juq maq lav cov lal nia nail
ivq dee dee il khaoq daqmoe iqsanl pevq nail ngaol.
4 Ngaq bhai khaq mao iqsanl
naoq nail haqphal seiq gov bhai
bhi jaol lavq yaoq.
Naoq nail aqdaol iq govq bhai
bhi tsaoq uvq lavq yaoq.
5 Miqyail-ol
ngal saljial jaq nail daoq bhai
naol ya gaiq gaq khi
naoq nail aqmil bhai
ev nail juq bhai bivq nail jaiq bhoil
ngaq bhai iqsanl bivq lavq-a nail ngaol.
6 Heeqphaq bhai
yeel bhao yeel ya nail phaq bivq dei-eiq.
Khaq mao kev dai, bhi doevq dei-eiq.
7 Naoq nail sivtavq bhai
aivq khaq mao iqsanl heeqphaq ya jiovq dei-eiq.
Naoq-i mail gaoq haq goil gaiq-a nail phaq khi
saljial ivq nail phaq
aivq bhai hel daiq phail bhiq dei-eiq.
8 Al hai nl lavq haq neq
ngaq-i mail saljial jaq-ai thaq nail
laol bhiq nail phaq
aivq nail n aivq ngal laol-u phao
naoq bhai khaq mao iqsanl
gul khi tsiq eeq nail ngaol.