Tsiqeeq 54

Tsiq eeq 54

Nee jiav jiav nail juq nee bhi jel-ail lavq dai, hal nail geeqlaoq hal daoq

Daoqsel bhi gul nail juq nail aqivq gaq bhai bhi heeq nia nail galduq: Neeq tsaq covq nail dil-nvq deeq khi gul-a nail. Daq bhil nail daoqsel. Sil phaq nail tsaol-aq juq-i mail Saol luv jaol nail bhai lai khi, Daq bhil aqyu juq nail miltsaq bhai jaol uvq thail thaiq nail ganl ge bhiq lai-a nail ngaol.

1 Miqyail-ol

naoq nail aqmil bhai juq khi

ngaq bhai hevq kovq lavq yaoq.

Naoq nail bhaqaoq bhai juq khi

ngal oeqbal maq aol nail ganl, dal ceiv lavq yaoq.

2 Miqyail-ol

ngaq nail geeqlaoq hal daoq bhai gaiqlaq yaoq.

Ngaq nail moeqthaoq lavqkhoel nee

dov lee nail daoq bhai iqsanl nal daiq lavq yaoq.

3 Khul khi mail dai ngal-aq

yu nail milkhaoq khe jaol nail juq

ngaq bhai genl dev lal khi

haqeiv nail juq iqsanl

ngaq nail doevqyeel bhai oil movq nail ngaol.

Aqyu juq neq, naoq bhai maq ev ail.

4 Miqyail-ol

naol neq, ngaq bhai maldil

tsao jao-ai lavq nail gaq pevq nail ngaol.

Heeqphaq Miqyail-ol, naol neq

ngaq-ai phao jaol nail juq bhai

hel daiq phail nail gaq iqsanl

pevq nail ngaol.

5 Ngaq bhai neejiav jiav nail juq nail kovtavq bhai

haqeiv nail phaq bhi kev lee yaoq dei-eiq.

Naol neq, saljial ivq nail ngel-i mail

aqyu juq bhai lav luq lav seil bhiq yaoq.

6 Ngal naoq bhai lavqkhiq teevq tsail, laol bhiq naol.

Heeqphaq Miqyail-ol

ngal naoq nail aqmil bhai tsiq eeq naol.

Khul khi mail dai ngal-aq

naoq nail aqmil neq, meeq nail ngaol.

7 Naol neq, ngaq bhai

haq nail aoq nail iqsanl nail lavqkhoel nee

hevq dov lavq khi

neejiav jiav nail juq nail kovtavq-ai

gaq lai nail bhai ngal ya moel-a nail ngaol.