Tsiq eeq 53
Tsaol-aq yaq maq meeq maq jaq nail ganl
1 Yaq jaoq khaq lal miq thoi juq neq
neema lavqkhoel nee
“Miqyail maq jaol ail” dai, ge nail ngaol.
Aqyu juq nail neema lavqkhoel bhai
bhi luq bhi seil ail nail phaq teevq bhee aol khi
aq jiiv aq cavq phaq nl thail thaiq nail ngaol.
Aqmeeq phaq nl nail teevq gaq ail maq jaol ail.
2 Miltsaq tsaol-aq yaq juq nail lavqkhoel
neenoeq neekha aol khi
aivq bhai hal pov nail juq jaol naol laiq dai
Miqyail neq, nqtavq kovtavq nee
hel daiq thail thaiq nail ngaol.
3 Iqsanl mail
gailkhaol gail bheeq bheeq ail gil khi
teevq gaq khe-ai
bhi luq bhi seil ail nail phaq nl nail nee ovqtavq
aqmeeq phaq nl nail gaq maq jaol ail.
Teevq gaq iqsanl maq jaol ail.
4 Haq eiv nail phaq nl nail tsaol-aq al juq
khul teevq phaq ail maq heeq nia ail laiq.
Ngaq nail tsaol-aq juq bhai
khaqmul jaq nail khe-ai
tsai gaq tsai dav dav khi
Miqyail bhai iqsanl, maq khul ail.
5 Thail hai ngaol-aoq
Miqyail aivq nail tsaol-aq juq bhai
neejiav jiav nail juq nail haqeeq
ngaoq khoi ngaoq loi gil bhiq khi
aqyu juq-i mail
teevq thal-iq maq gee sil daiq-a nail phaq bhai
ya gee sil nail ngaol.
Miqyail aqyu juq bhai khaonq ha nail ngel-i mail
aqyu juq sunq ail khi ya haq sil nail ngaol.
6 Ilsaqleiqlav bhai hevq kovq nail gaq
Yeel ovq gaoqjaoq nee lee dei-eiq.
Miqyail aqyu juq bhai gaoq bhi doevq jaq lal-u phao
Yaqkov nail jeq-e jaq-a juq
lavqkhiq tsail dee dee khi
Ilsaqleiqlav nail tsaol-aq iqsanl
lavqkhiq tsail dee dee nail ngaol.