Tsiq eeq 47
Eeq dee dee nail uv thaiq nail gaq
1 Jeq-e jaq-a iqsanl mail lavq pav teiv yaoq.
Lavq khiq tsail nail lavqkhoel
aqthel aqkav kav dai, daoqsel gul khi
Miqyail bhai tsiq eeq yaoq.
2 Eeq dee heel dee dee nail
Heeqphaq Miqyail neq
noeq-u maq dov heeq phaq-ail tsaq nail ngaol.
Aivq neq, milkhaoq iqsanl nail kovtavq-ai
uv thaiq nail eeq nail Heeqphaq ngaol.
3 Aivq-i mail ngadao bhai
tsaol-aq iqsanl nail kovtavq bhai
bhi gaq lai lavq khi
jeq-e jaq-a iqsanl nail kovtavq bhai
bhi uv thaiq lavq-a nail ngaol.
4 Miqyail neq
ngadao juq-i mail ya jaol nail mil khaoq
tsel lavq-a nail ngaol.
Milkhaoq al khaoq bhai neq
aivq-i mail gaiq-a nail Yaqkov nee
jeq lee ov lee-a nail juq-i mail uv thaiq khi
seiqleiq khaoqsail ya duq pevq nail ngaol.
5 Heeqphaq Miqyail neq
aivq nail joiq jaq doiqbev bev ma bha
kovq dav lai-u phao
lavqkhiq tsail khi gul nail aqthel khi mail
nqbho jiiv nail aqthel meel lal-a nail ngaol.
6 Miqyail bhai daoqsel gul khi tsiq eeq yaoq.
Aivq bhai tsiq eeq yaoq.
Ngadao nail Heeqphaq bhai
daoqsel gul khi tsiq eeq yaoq.
Aivq bhai tsiq eeq yaoq.
7 Miqyail neq
milkhaoq iqsanl nail kovtavq bhai
uv thaiq nail Heeqphaq ngaol.
Daoqsel gul khi aivq bhai tsiq eeq yaoq.
8 Miqyail neq
aivq nail meeq nail haol nail
uv thaiq nail doiqbev bev ma
kovtavq bha jaol deel khi
jeq-e jaq-a iqsanl nail kovtavq bhai
uv thaiq nail ngaol.
9 Milkhaoq juq bhai uv thaiq nail heeqphaq juq lal khi
Aqbhaqlaqhaq nail Miqyail nail
tsaol-aq juq nee jil lai-a nail ngaol.
Khul khi mail dai ngal-aq, Miqyail neq
miltsaq khe genl dev nail juq nee maq tsil
bhaqaoq eeq jaiq nail ngaol.
Miqyail neq
eeq jaiq heel jaiq nail gaq pevq nail ngaol.