Tsiq eeq 46
Heeqphaq Miqyail ngadao nee mail jaol nail ngaol
1 Miqyail ngadao nail juq duq
pevq nail nee ovqtavq
ngadao nail gaq pevq khi
haq nail aoq nail yanq lavqkhoel
ngadao bhai khaq mao gail
tsao jao-ai lavq nail ngaol.
2 Al heel ngel-i mail
miltsaq daoqthaoq dao lal khi
gaoqjaoq juq iqyaq iqma nail daoqthaoq bhai
ga bhoel gil ail khi ngaol-aoq
ngadao maq gee sil.
3 Iqyaq iqma meel lal khi
eel khaol kav dee dee nail ngel-i mail
gaoqjaoq juq luv luv dai
dao lal khi ngaol-aoq, ngadao maq gee sil.
4 Miqyail nail meenq bhai
lavqkhiq tsail nail phaq il bhoel leevq nail
laoljaol teevq jaol il nail ngaol.
Meenq al meenq neq
eeq dee heel dee dee nail Gaq nail
meeq nail haol nail aqduq pevq nail ngaol.
5 Meenq al meenq bhai
Miqyail jaol nail ngel-i mail
teevq thal-iq maq cov ail nia ail.
Nqbhaq bhaq lal-u phao
meenq al meenq bhai
aivq tsao jao-ai lee nail ngaol.
6 Jeq-e jaq-a iqsanl mail suq saq lal bhiq khi
milkhaoq juq iqsanl, peiv ail nail khe-ai
pevq lal-a nail ngaol.
Miqyail nail aqthel dov lee-u phao
miltsaq teevq heeq heeq lao peiv ail leiv ail nail ngaol.
7 Nqtavq kovtavq khe genl dev nail
munl munl ma nail kovtavq bhai
bhaqaoq eeq nail Heeqphaq Miqyail
ngadao nee mail jaol nail ngaol.
Yaqkov nail Miqyail neq
ngadao nail tavq pevq nail ngaol.
8 Heeqphaq Miqyail-i mail
nl-a nail ganl bhai hel daiq lal yaoq.
Miltsaq kovtavq-ai
aivq-i mail nl-a nail
noeq-u maq dov nail ganl juq bhai
hel daiq lal yaoq.
9 Miltsaq kovtavq bhai
genl khal dev nail bhai aivq lav naq nail ngaol.
Heeq nav khi mail geeq khaoq bhai
aivq ngaoq khoi ngaoq loi khi
doeq daq duq bhai miqjaq kheq ha nail ngaol.
10 Aivq ge nail:
"Ngal Miqyail ngaol dai, heeq kivq khi
genl dev nail naq lai yaoq.
Jeq-a jaq-a iqsanl mail miltsaq bhai maqkhaiq
miltsaq niil teevq heeq
heeq lao nail kovtavq bhai maqkhaiq
ngaq bhai tsiq eeq tsiq heel nail ngaol" dai
ge nail ngaol.
11 Nq taq kovtavq khe
genl dev nail munl munl ma nail kovtavq bhai
bhaqaoq eeq nail Heeqphaq Miqyail
ngadao nee mail jaol nail ngaol.
Yaqkov nail Miqyail neq
ngadao nail tavq pevq nail ngaol.