Tsiq eeq 43
1 Miqyail-ol
naoq bhai saljial maq ivq nail
tsaol-aq juq nail sivtavq-ai
ngal oeqbal maq aol nail ganl
yalkhaq dal ceiv lavq yaoq.
Goiq bhaoq jalmul mul khi
maq tsaq maq daol nail juq nail
aqlavq lavqkhoel nee
ngaq bhai hevq kovq lavq yaoq.
2 Ngal naoq bhai taivq-ail juq nail ngaol.
Khul khi mail khaonq ha lavq nail-aiq.
Nee jiav jiav nail juq ngaq bhai
khoeq lavq jiovq lavq nail bhai
khul khi mail ya daq nail-aiq.
3 Naoq nail aqbhaq maqkhaiq
maldil tsaq nail phaq maqkhaiq
bhi kev lee khi
ngaq bhai naoq nail
meeq nail haol nail gaoqjaoq kovtavq-ai
bhi hevq kev lavq yaoq.
4 Aq-u phao, ngal naoq nail laolduq bhai lal naol.
Ngaq nail lavqkhiq tsail duq, naol ngaol.
Miqyail-ol, ngaq nail Miqyail-ol
ngal dil-nvq deeq khi
naoq bhai tsiq eeq naol.
5 Ngaq nail nee ma-ol
khul khi mail gaq bhaq nail-aiq.
Khul khi mail suq saq nail-aiq.
Miqyail bhai noeq thunq yaoq.
Ngaq bhai hevq kovq nail gaq
pevq nail Miqyail bhai
gaoq tsiq eeq nail ngaol.