Tsiq eeq 13
Haq aoq nl thail thaiq nail gaq nail geeqlaoq hal daoq
1 Heeqphaq Miqyail-ol
naol ngaq bhai khaq mao kev dai
nioil peivq lavq nail-aiq.
Nq maq maq luv hal yeel
nioil peivq lavq nail khi laiq.
Naoq nail maivphaoq maq bhi moel lavq dai
khaq mao kev dai jaol nail khi.
2 Haq aoq nl nail niil laiq bhai
ngal khaq mao kev dai, ya daq-ai haq nail-aiq.
Nqkiv n-gaol nee noeq haq nail bhai
khaq mao kev dai, ya daq-ai haq nail-aiq.
Nee jiav jiav nail juq-i mail
bhi gaq lai nail bhai khaq mao kev dai,
ya daq-ai haq nail-aiq.
3 Heeqphaq Miqyail-ol
ngaq nail Miqyail-ol
ngaq bhai hel daiq khi daoq ge kovq lavq yaoq.
Ngaq bhai gaq bivq bhee lavq khi
ngaq bhai thaq bhi sil lavq.
4 Maq ngel haq neq
ngaq bhai neejiav jiav nail juq
“Aivq bhai gaq lai-aoq naol” dai ge khi
ngal ga tsuq ail nail bhai lavqkhiq tsail nail ngaol.
5 Thail hai ngaol-aoq
naoq-i mail gaoq haq goil gaiq-a nail phaq bhai
ngal khaq mao iqsanl neema thaq tsaol nail ngaol.
Naol hevq kovq lavq nail geeqlaoq bhai
ngaq nail neema lavqkhiq tsail nail ngaol.
6 Heeqphaq Miqyail ngaq bhai
meeq lavq-a nail ngel-i mail
aivq bhai gul khi tsiq eeq nail ngaol.