Tsiq eeq 11
Heeqphaq Miqyail neq, tsaq nail daol nail ngaol
1 Ngal Heeqphaq Miqyail bhai juq nail ngaol.
"Keivq avq gee sil khi bhail nail khe-ai
gaoqjaoq phao bhail dal laivq yaoq" dai
Tsaol-aq juq ngaq bhai
khal hai ge lavq nia heeq.
2 "Khul khi mail dai ngal-aq neq
haqeiv nail juq aqnav nail lavqkhoel nee
heeqnav he dav-ai thaq khi
tsaq nail daol nail juq nail neema bhai
bev tsaoq nail dai khi
lovq thail thaiq nail ngaol.
3 Aol thaq kovq thaq nail
daoqthaoq bhai lav cov haq neq
tsaq nail daol nail juq
khul khi kivq nail-aiq" dai iqsanl
tsaol-aq al juq ngaq bhai khal hai ge lavq kivq heeq.
4 Heeqphaq Miqyail neq
aivq nail meeq nail haol nail
uqhuq thaoq nail ilkhaol il ma
lavqkhoel bhai jaol nail ngaol.
Aivq nail doiqbev bev ma neq
nqtavq kovtavq bha jiav khi
aivq nail maivneev neq
tsaol-aq yaq juq bhai
hel daiq nail nee ovqtavq
aqyu juq nail neema bhai laonq daiq nail ngaol.
5 Miqyail tsaol meeq tsaol doil tsel pav khi
yu bhai lav cov movq nail juq bhai bhe nail ngaol.
6 Haq eiv nail juq nail kovtavq bhai Miqyail neq
miqlail dov nail miqjiiv
khi mail miqjaq tovq nail miqjal jalheel
hoel dav bhiq nail ngaol.
Al ovqtavq, laol dee dee nail lilmoel-i mail
aqyu juq bhai khoeq bhiq nail ngaol.
7 Khul khi mail dai ngal-aq
Heeqphaq Miqyail neq
tsaq nail daol nail ngaol.
Aivq tsaq nail daol nail phaq
nl nail juq bhai gaiq-a khi
aivq nail maivphaoq bhai bhi moel nail ngaol.