Yaolsuv 21
Leiqbhil nail jeq-e nail meenq juq
1 Leiqbhil nail jeq-e nail lavqkhoel khe aqivq aqtsu juq neq, philma Eilleiqaqsaq, Nunq nail yaqyov Yaolsuv dai khi Ilsaqleiqlav nail jeq-e juq nail aqivq aqtsu juq jaol nail
2 Khaqnanq milkhaoq khe jiav nail Sillaol nail meenq bhai lal khi niail hai ge bhiq lai-a nail ngaol: "Heeqphaq Miqyail neq, Maolseiq bhai, nv juq jaol nail haqbhoil meenq juq dai khi nv juq nail jaiqyaq juq jaol nail haqbhoil meenq al nail teevq jaoq khe jaiqyaq gav jaq duq ya bivq lavq nail ngaol dai, daoq bivq-ail ceevq-a nail ngaol" dai, ge bhiq-a nail ngaol.
3 Al heel ngel-i mail, Ilsaqleiqlav nail tsaol-aq juq neq Heeqphaq Miqyail-i mail daoq bivq-ai thaq nail khe-ai yovqgav yovqgavq-i ya-ai thaq nail miltsaq jaiqbhoil khe meenq juq dai khi jaiqyaq gav jaq duq bhai Leiqbhil nail jeq-e nail haqbhoil bhoil pav bhiq-a nail ngaol.
4 Eellaoq iqmoeq khal moeq khe laiq bheq-u phao, Leiqbhil nail uqbhao yaqyov Kholhav nail phaqyaq mayaq juq bhai tsaq lai-a nail ngaol. Aqyu juq nail lavqkhoel khe, Aqlonq nee mail yavq kha lee thaq nail yaq juq neq, meenq 13 meenq ya-a nail ngaol. Meenq al juq neq, Yuldav nail jeq-e, Silmiqonq nail jeq-e, Bheiqyaqminq nail jeq-e nail miltsaq juq nail lavqkhoel khe meenq juq pevq nail ngaol.
5 Jail nail Kholhav nee yavq kha lee thaq nail yaq juq neq, meenq 10 meenq ya-a nail ngaol. Meenq al juq neq, Eilphaqlaqyinq nail jeq-e, Danq nail jeq-e, Maqnaqseiq nail jeq-e teevq pav nail miltsaq juq nail lavqkhoel khe meenq juq pevq nail ngaol.
6 Leiqbhil nail yaqyov nvq gaq teevq gaq pevq nail Geiqlaqsonq nail phaqyaq mayaq juq neq, meenq 13 meenq ya-a nail ngaol. Meenq al juq neq, Ilsaqkhaq nail jeq-e, Aqseiqlav nail jeq-e, Naqtaqlil nail jeq-e, Bhaqsanq milkhaoq bhai jaol nail Maqnaqseiq nail jeq-e jail nail teevq pav juq nail miltsaq juq nail lavqkhoel khe meenq juq pevq nail ngaol.
7 Leiqbhil nail yaqyov hail gaq teevq gaq pevq nail Meiqlaqlil nail phaqyaq mayaq juq neq, meenq 12 meenq ya-a nail ngaol. Meenq al juq neq, Lulbheiq nail jeq-e, Gavq nail jeq-e, Seiqbhullonq nail jeq-e nail miltsaq juq lavqkhoel khe meenq juq pevq nail ngaol.
8 Al heel ngel-i mail, Ilsaqleiqlav nail tsaol-aq juq neq, meenq juq dai khi jaiqyaq gav jaq nail aqduq bhai Heeqphaq Miqyail-i mail Maolseiq bhai daoq bivq-ail ceevq-a nail khe-ai, Leiqbhil nail jeq-e juq bhai eellaoq bheq khi bhoil bhiq-a nail ngaol.
9-10 Aqyu juq Yuldav nail jeq-e nail lavqkhoel khe dai khi Silmiqonq nail jeq-e nail lavqkhoel khe aol nail meenq juq bhai Leiqbhil nail yaqyov Kholhav nail phaqyaq mayaq juq nail lavqkhoel khe Aqlonq nee mail yavq kha lee thaq nail yaq juq bhai bhoil bhiq-a nail ngaol. Khul khi mail dai ngal-aq, eellaoq iqmoeq khal moeq khe laiq bheq-u phao, aqyu juq bhai tsaq lai-a nail ngaol. Aqyu juq-i mail ya-a nail meenq juq nail aqmil neq, niil juq pevq nail ngaol:
11 Yuldav nail miltsaq lavqkhoel khe aol nail gaoqjaoq juq bhai jiav nail Heiqbhonq meenq dai iqsanl khul nail Khiqlil-avq Aqlaqbhaq meenq dai khi, al nail teevq jaoq jiav nail jaiqyaq gav jaq nail aqduq juq iqsanl ya-a nail ngaol. (Aqlaqbhaq neq, Aqnaqkav nail phaqyaq mayaq nail aqbhu pevq nail ngaol.)
12 Thail hai ngaol-aoq, meenq nail teevq jaoq bhai jiav nail daiyal juq dai khi, julgu juq neq, Yeiqphuqnaiq nail yaqyov Kaqlaiv bhai jaiqbhoil bhoil bhiq-a nail ngaol.
13 Al bhaq da nee, Aqlonq nee mail yavq kha lee thaq nail yaq juq neq, yu bhai heivq-a nail dai bhi ge-a nail juq-i mail tsaoq uvq nail meenq teevq meenq pevq nail Heiqbhonq meenq, Lilbhaqnav meenq,
14 Yalthillav meenq, Eiltheiqmoq-aq meenq,
15 Hollonq meenq, Deiqbhillav meenq,
16 Aqinq meenq, Yultha meenq, Bheiqtaq Seiqmeiq meenq meenq juq iqsanl mail goiq meenq bhee dai ya khi, meenq nail teevq jaoq teevq laol khe jiav nail jaiqyaq gav jaq nail aqduq juq iqsanl ya-a nail ngaol. Aqyu juq-i mail ya-a phaq iqsanl mail neq, Yuldav nail jeq-e dai khi Silmiqonq nail jeq-e nail lavqkhoel khe pevq nail ngaol.
17 Bheinqyaqminq nail jeq-e nail miltsaq lavqkhoel khe bhoil bhiq-a nail meenq juq neq, Gilbhiqonq meenq, Geiqbhaq meenq,
18 Aqnaqthol meenq dai khi Aqlaqmonq meenq meenq niil liq meenq dai khi meenq nail teevq jaoq teevq laol bhai jiav nail jaiqyaq gav jaq nail aqduq juq iqsanl kheq nail ngaol.
19 Al heel ngel-i mail Aqlonq nail phaqyaq mayaq pevq nail Philma juq bhai meenq 13 meenq dai khi meenq nail teevq jaoq teevq laol bhai jiav nail jaiqyaq gav jaq nail aqduq juq iqsanl bhoil bhiq-a nail ngaol.
20 Leiqbhil nail yaqyov Kaolhav nee mail yavq kha lee thaq nail jail nail yaq juq bhai neq, Eilphaqlaqyinq nail jeq-e nail miltsaq lavqkhoel khe meenq teevq pav ga nav juq bhoil bhiq-a nail ngaol.
21 Aqyu juq neq, Eilphaqlaqyinq nail gaoqjaoq juq khe jiav nail yu bhai heivq-a nail dai bhi ge-a nail juq-i mail tsaoq uvq nail meenq teevq meenq pevq nail Seiqkhinq meenq, Geiqsaqlav meenq,
22 Khilbhaqsaq-inq meenq, Bheiqtaq Hoqlonq meenq meenq niil liq meenq dai khi, meenq nail teevq jaoq teevq laol bhai jiav nail jaiqyaq gav jaq nail aqduq juq iqsanl ya-a nail ngaol.
23 Danq nail jeq-e nail miltsaq lavqkhoel khe neq, aqyu juq Eilloqtheiqkeiq meenq, Gilbheiqthonq meenq,
24 Aqyillonq meenq, Gaqtav Liqmonq meenq meenq niil liq meenq dai khi meenq nail teevq jaoq teevq laoq bhai jiav nail jaiqyaq gav jaq nail aqduq juq iqsanl ya-a nail ngaol.
25 Maqnaqseiq nail jeq-e teevq pav nail miltsaq lavqkhoel khe neq, aqyu juq Thaqnaq meenq, Gaqtav Liqmonq meenq, meenq niil 2meenq dai khi, meenq nail teevq jaoq teevq laol bhai jiav nail jaiqyaq gav jaq nail aqduq iqsanl ya-a nail ngaol.
26 Al heel ngel-i mail jail nail Kaolhav nee mail yavq kha lee thaq nail yaq juq neq, meenq al 10 meenq dai khi meenq nail teevq jaoq teevq laol bhai jiav nail jaiqyaq gav jaq nail aqduq juq gail ya-a nail ngaol.
27 Leiqbhil nail yaqyov pevq nail Geiqlaqsonq nail phaqyaq mayaq juq neq, niail hai ya-a nail ngaol: Maqnaqseiq nail jeq-e teevq pav nail miltsaq lavqkhoel khe Bhaqsanq milkhaoq bhai jiav nail, yu bhai heivq-a nail dai bhi ge-a nail juq-i mail tsaoq uvq nail meenq teevq meenq pevq nail Gaollanq meenq, Bheiq Eiqsaqtheiqlav meenq, meenq niil nvq meenq dai khi, meenq nail teevq jaoq teevq laol bhai jiav nail jaiqyaq gav jaq nail aqduq juq iqsanl ya-a nail ngaol.
28 Ilsaqkhaq nail jeq-e nail miltsaq lavqkhoel khe neq, Khilsiq-onq meenq, Daqbheiqlav meenq,
29 Yaqlaqmuq meenq dai khi Einq Gaqninq nail meenq meenq niil liq meenq dai khi, meenq nail teevq jaoq teevq laol bhai jiav nail jaiqyaq gav jaq nail aqduq juq iqsanl ya-a nail ngaol.
30 Aqseiqlav nail jeq-e nail miltsaq lavqkhoel khe neq, Milsaqlav nail meenq, Aqbhaqdonq nail meenq
31 Heiqlaqkhal nail meenq, Leiqholbhaq nail meenq meenq niil liq meenq dai khi meenq nail teevq jaoq teevq laol bhai jiav nail jaiqyaq gav jaq nail aqduq juq iqsanl ya-a nail ngaol.
32 Naqtaqlil nail jeq-e nail miltsaq lavqkhoel khe neq, Gaqliqlail milkhaoq bhai jiav nail, yu bhai heivq-a nail dai bhi ge-a nail juq-i mail tsaoq uvq nail meenq teevq meenq pevq nail Keiqdeiqsav nail meenq, Haqmoq Doqlav nail meenq, Khaqthanq nail meenq, meenq niil hail meenq dai khi meenq nail teevq jaoq teevq laol bhai jiav nail jaiqyaq gav jaq nail aqduq juq iqsanl ya-a nail ngaol.
33 Al heel ngel-i mail, Geiqlaqsonq nail phaqyaq mayaq juq-i mail ya-a nail meenq juq neq, iqsanl mail 13 meenq dai khi meenq nail teevq jaoq teevq laol bhai jiav nail jaiqyaq gav jaq nail aqduq juq iqsanl kheq nail ngaol.
34 Jail nail Leiqbhil nail yaqyov pevq nail Meiqlaqlil nail phaqyaq mayaq juq neq, Seiqbhullonq nail jeq-e nail miltsaq lavqkhoel khe, Yaolkaqnanq nail meenq, Khaqthaq nail meenq,
35 Diqmaqnaq nail meenq, Naqhaqlaq nail meenq meenq niil liq meenq dai khi meenq nail teevq jaoq teevq laol bhai jiav nail jaiqyaq gav jaq nail aqduq juq iqsanl ya-a nail ngaol.
36 Lulbheiq nail jeq-e nail miltsaq lavqkhoel khe neq, Bheiqseiqla nail meenq, Yaqhaqsal nail meenq,
37 Kheiqdeiqmov nail meenq, Meiqphal nail meenq, meenq niil liq meenq dai khi meenq nail teevq jaoq teevq laol bhai jiav nail jaiqyaq gav jaq nail aqduq juq iqsanl ya-a nail ngaol.
38 Gavq nail jeq-e nail miltsaq lavqkhoel khe neq, Gillav nail milkhaoq lavqkhoel bhai jiav nail, yu bhai heivq-a nail dai bhi ge-a nail juq-i mail tsaoq uvq nail meenq teevq meenq pevq nail Laqmol meenq, Maqhaqneinq meenq,
39 Heiqsaqbhonq meenq, Yaqseiqlav meenq, meenq niil liq meenq dai khi meenq nail teevq jaoq teevq laol bhai jiav nail jaiqyaq gav jaq nail aqduq iqsanl ya-a nail ngaol.
40 Al heel ngel-i mail, jail nail Leiqbhil nail yaqyov pevq nail Meiqlaqlil nee mail yavq kha lee thaq nail yaq juq neq, meenq haoqnao naosaq ya-a nail ngaol. Aqyu juq-i mail ya-a nail meenq juq iqsanl mail neq, 12 meenq bhee nail ngaol.
41 Leiqbhil nail jeq-e neq, Ilsaqleiqlav nail tsaol-aq juq-i mail uv thaiq nail uv thaiq lavqkhoel khe meenq juq iqsanl mail 48 meenq dai khi, meenq nail teevq jaoq teevq laol bhai jiav nail jaiqyaq gav jaq nail aqduq juq iqsanl ya-a nail ngaol.
42 Meenq al juq nail yaoq meenq yaoq-ao nee, teevq jaoq teevq laol bhai neq, jaiqyaq gav jaq nail aqduq juq iqsanl jiav nail ngaol.
43 Heeqphaq Miqyail neq, aivq-i mail Ilsaqleiqlav nail tsaol-aq juq nail aqphiq aqbhal juq bhai khanq-ai thaq nail khe-ai miltsaq al juq iqsanl mail bivq gil-a nail ngaol. Aqyu juq iqsanl, gaq lai khi, jaol bhoel lai-a nail ngaol.
44 Heeqphaq Miqyail-i mail khanq-ai thaq nail khe-ai, aqyu juq bhai, yaoq phao yaoq-ao nee, aqsal bhi sal-a nail ngaol. Aqyu juq bhai neejiav jiav nail juq teevq gaq iqsanl genl maq dev lal-ail. Khul khi mail dai ngal-aq, Heeqphaq Miqyail neq, neejiav jiav nail juq iqsanl bhai, aqyu juq nail aqlavq lavqkhoel bhai av bhiq-a nail ngaol.
45 Aqmeeq phaq iqsanl mail Heeqphaq Miqyail-i mail Ilsaqleiqlav nail tsaol-aq juq bhai saljial jaq-ai thaq nail khe-ai, pevq gil lal-a nail ngaol. Khul teevq phaq iqsanl theq-ail thaq nail phaq maq jiav dai, mal dil pevq gil lal-a nail ngaol.