Yaolsuv 12
Genl dev sunq-a nail heeqphaq juq
1 Ilsaqleiqlav nail tsaol-aq juq-i mail Yaoldaq laoljaol nlma dov khoeq phao genl dev gaq-a nail heeqphaq nvq gaq nail aqmil neq, niail hai khul nail ngaol. Aq yu juq neq, gaoqjaoq nvq gaiqlaq khe Aqnonq laoljaol nee mail Heiqlaqmonq gaoqjaoq bha kev dai maqkhaiq, Yaoldaq laoljaol gavqlaovq nail nlma dov khoeq phao khe jiav nail miltsaq bha kev dai maqkhaiq, aq-u nee genl dev ya jel-aoq nail ngaol. Jaol duq al juq bhai niail hai khul nail Heeqphaq nvq gaq uv thaiq-a nail ngaol.
2 Iqmoeq khal moeq khe gaq neq, Heiqsaqbhonq meenq bhai uv thaiq-a nail Aqmaolliv nail heeqphaq Silhonq ngaol. Aivq nail miltsaq neq, gaoqjaoq nvq gaiqlaq khe Aqnonq laoljaol daolbhaq bhai jiav nail Aqlaoqeiq meenq nee mail Yalbhaol laoljaol bha kev nail ngaol. Al ovqtavq, Aqmaoq nail milkhaiq bha kev khi Gillav milkhaoq gail teevq gaol pav kheq nail ngaol.
3 Al ovqtavq, Yaoldaq laoljaol gavqlaovq nlma dov khoeq phao dai khi Gaqliqlail ngaqkha nee mail cavqdevq dai iqsanl khul nail iqyaq iqma aqsil bha kev dai maqkhaiq, Bheiqtaq Yeiqsilmoq meenq nail pul-nvq phao jiav nail Pilsaqgaq nail gaoqjaoq bhaqga bha kev dai maqkhaiq, kev nail ngaol.
4 Nvq gaq teevq gaq neq, Aqsaqtaqlol meenq dai khi Eillilyil nail meenq bhai uv thaiq khi mail daqmoe moe nail Leiqphaqinq nail tsaol-aq juq nail lavqkhoel khe haoqnao nao saq khe jail nail Bhaqsanq nail heeqphaq Aolgav pevq nail ngaol.
5 Aivq-i mail uv thaiq nail milkhaoq neq, Heiqlaqmonq gaoqjaoq maqkhaiq, Seiqleiqkhaq miltsaq maqkhaiq, Geiqsullav nail tsaol-aq dai khi Maqkhaq nail tsaol-aq juq nail milkhaiq bha kev dai eeq nail Bhaqsanq nail milkhaoq teevq khaoq khaoq lao bhai maqkhaiq, Gillav nail milkhaoq teevq gaol pav dai khi Heiqsaqbhonq nail miltsaq khe heeqphaq Silhonq-i mail uv thaiq nail milkhaiq bhai kev dai maqkhaiq eeq nail ngaol.
6 Heeqphaq al nvq gaq bhai neq, Heeqphaq Miqyail nail yaqkav pevq nail Maolseiq dai khi Ilsaqleiqlav nail tsaol-aq juq-i mail gaq lai-a nail ngaol. Maolseiq neq, heeqphaq al nvq gaq nail miltsaq bhai Lulbheiq nail jeq-e, Gavq nail jeq-e dai khi Maqnaqseiq nail jeq-e teevq pav bhai bhoil bhiq-a nail ngaol.
Yaolsuv-i mail gaq lai-a nail heeqphaq juq
7 Yaolsuv dai khi Ilsaqleiqlav nail tsaol-aq juq-i mail Yaoldaq laoljaol nlma ga khoeq phao khe genl dev gaq-a nail heeqphaq juq nail aqmil juq neq, niail hai khul nail ngaol. Aqyu juq neq, Leiqbhaqnonq gaoqjaoq nvq gaiq laq khe jiav nail Bhaqlal Kavqdaq meenq nee mail Sol-iq nail miltsaq aqjail bhai jiav nail Haqlal nail gaoqjaoq bha kev dai, genl dev gaq-a nail ngaol. Yaolsuv neq, Ilsaqleiqlav nail jeq-e yaoq jeq-e yaoq-ao nee bhai aivq nail jeq-e aivq, miltsaq jaiqbhoil bhoil bhiq-a nail ngaol.
8 Miltsaq al nail lavqkhoel bhai neq, gaoqjaoq juq, nlma gaq khoeq phao khe gaoqjaoq daoqthaoq, Yaoldaq laoljaol nail gavqlaovq dai khi al nail aqjail bhai jiav nail gaoqjaoq bhaqga, Yuldav nail haqtsoiq haqyal, niil juq kheq nail ngaol. A bhai jaol nail jeq-e juq neq, Hiltiv nail jeq-e, Aqmaolliv nail jeq-e, Khaqnanq nail jeq-e, Pheiqliqsil nail jeq-e, Hilwil nail jeq-e dai khi Yeiqbhulsil nail jeq-e niil juq ngaol.
9 Heeqphaq al juq nail aqmil juq neq, niil juq ngaol:
Yeiqlilkhol meenq nail heeqphaq, Bheiqtaqlav meenq aqjail bhai jiav nail Aqil meenq nail heeqphaq,
10 Yeiqlulsaqlaiq meenq nail heeqphaq, Heiqbhonq meenq nail heeqphaq,
11 Yaqlaqmuq meenq nail heeqphaq, Laqkhilsav meenq nail heeqphaq,
12 Eilgaqlonq meenq nail heeqphaq, Geiqsaqlav meenq nail heeqphaq,
13 Deiqbhillav meenq nail heeqphaq, Geiqdeiqlav meenq nail heeqphaq,
14 Haolmaq meenq nail heeqphaq, Aqlal meenq nail heeqphaq,
15 Lilbhaqnaq meenq nail heeqphaq, Aqdullanq meenq nail heeqphaq,
16 Malkeiqdaq meenq nail heeqphaq, Bheiqtaqlav meenq meenq nail heeqphaq,
17 Taqpuq-aq meenq nail heeqphaq, Heiqpheiqlav meenq nail heeqphaq,
18 Aqphail meenq nail heeqphaq, Laqsaqlonq meenq nail heeqphaq,
19 Maqdonq meenq nail heeqphaq, Haqsaoqlav meenq nail heeqphaq,
20 Silmiqlonq meenq nail heeqphaq, Aqkhaqsal meenq nail heeqphaq,
21 Thaqnaq meenq nail heeqphaq, Meiqgiqdaol meenq nail heeqphaq,
22 Keiqdeiqsav meenq nail heeqphaq, Khaqlaqmeiqlav gaoqjaoq bha jiav nail Yaolkaqnanq meenq nail heeqphaq,
23 Daollav nail miltsaq nlma ga khoeq phao jiav nail Daollav meenq nail heeqphaq, Gillavgaqlav nail aqduq bhai jiav nail Gaolyinq meenq nail heeqphaq dai khi
24 Thillaqsaq meenq nail heeqphaq, niil juq pevq nail ngaol. Meenq al juq khe heeqphaq 31 gaq iqsanl bhai gaq gil lai-a nail ngaol.