Tanda hormat yang Mordekai dapa
10:1-3
10
1 Bapa Raja Ahasweros parenta samua orang dalang samua daera yang antua parenta, mulai dari yang di pinggir-pinggir pante sampe di balakang-balakang gunung, par bayar pajak. 2 Samua hal basar yang antua su biking yang kasi unju kalo antua tu raja yang hebat deng soal bagemana antua angka Mordekai jadi orang basar, akang tatulis dalang buku yang isi sejara dari Karajaang Persia deng Media pung raja-raja. 3 Mordekai, orang Yahudi tu, dia jadi orang nomor dua abis Bapa Raja Ahasweros sandiri. Orang-orang Yahudi taru hormat par dia. Dong jua sanang paskali deng dia. Samua tu tagal dia salalu karja sunggu-sunggu par orang-orang Yahudi samua pung bae biar dong samua hidop seng kurang apapa satu yang bae lai.