Nzhaal gool be lo Dios
Gool be lo Xaa Tubka Nak.
149
Gool be kant kub lo Xaa Tubka Nak;
re xaa nali nak,
pa nkasa re xaa,
tubka gool be lo xaa.
2 Gak nix lextoo re be,
xaa Israel,
lo xaa mdexkwaa be;
gak nix lextoo be,
re be xaa yezh Jerusalén,
lo xaa nak Rey.
3 Gool be nu kani be lo xaa;
kwaan tambor chuut nu kwaan bagwel kwaan nkano chii yib gool be lo xaa,
4 nel Xaa Tubka Nak,
nle nix lextoo yezh cheen xaa
nu nle xaa zee lee re xaa nadoo le gan.
5 Gak nix lextoo re be,
xaa nali nak,
kwent mle Dios gan
nu leeka lo xloon be zob be gool be lo xaa.
6 Naab na zee kwaan roo be gool be lo Dios
nu lee yaa be yo spad kwaan ndox rop ta,
7 zee luux be re yezh
nu tezi be re yezh,
8 zee kwaan kaden kado be re rey
nu kwaan yiib kado be re xaa non,
9 zee gak re kwaan mke yilo.
¡Kwaane gak kwaan gro lo rese xaa nali nak!
¡Gool be lo Xaa Tubka Nak!